உலக தொலைக்காட்சி வரலாற்றில் முதல்முறையாக... இப்டி ஒரு வானிலை அறிக்கையை பார்த்திருக்க மாட்டீங்க!

வானிலை அறிக்கை படிக்கும் போது செய்தியாளரை நாய் தொந்தரவு செய்யும் வீடியோ வைரலாகியுள்ளது.

நியூயார்க்: தொலைக்காட்சி செய்தி வாசிப்பாளர் ஒருவர் வானிலை அறிக்கை படிக்கும் போது அவரது நாய் தொந்தரவு செய்யும் வீடியோ சமூகவலைதளங்களில் வைரலாகியுள்ளது.

கொரோனா வைரஸ் பாதிப்பு காரணமாக உலகின் பல நாடுகளில் தற்போது ஊரடங்கு உத்தரவு பிறப்பிக்கப்பட்டுள்ளது. இதனால் ஐடி உள்ளிட்ட பல்வேறு துறையை சேர்ந்த தொழிலாளர்கள் வீட்டில் இருந்தபடி தான் வேலை செய்து வருகிறார்கள். தொலைக்காட்சி நிறுவனங்களை சேர்ந்தவர்களும் வீட்டில் இருந்தபடியே வேலை செய்கிறார்கள்.

அந்த வகையில் அமெரிக்காவின் பாக்ஸ் தொலைக்காட்சியை சேர்ந்த செய்தி வாசிப்பாளர் ஒருவர், வீட்டில் இருந்தபடியே கேரமா முன் அமர்ந்து வானிலை அறிக்கை வாசித்து கொண்டிருந்தார். அப்போது அவரது செல்ல நாய் பிராடி, அவர் மீது ஏறி அமர்ந்து கொண்டது.

தொகுப்பாளர் பலமுறை சத்தம் போட்டும் அந்த நாய் அசராமல் அவர் மீது அமர்ந்திருந்தது. பின்னர் சிறிது நேரம் கழித்து கேமராமேனை நோக்கி அந்த நாய் செல்கிறது.

இந்த வீடியோ 3 லட்சம் பார்வைகளை கடந்து சமூகவலைதளங்களில் வைரலாகியுள்ளது. இப்படி ஒரு வானிலை அறிக்கையை பார்த்ததே இல்லை என நெட்டிசன்கள் கமெண்ட் செய்து வருகின்றனர்.

English summary

In a viral video a dog interrupts the anchor while he was reading a weather report.