டொனால்ட் ட்ரம்ப் அமைச்சரவையில் இந்திய வம்சாவளி பெண் நிக்கி ஹாலே
டொனால்ட் ட்ரம்ப் அமைச்சரவையில் இந்தி வம்சாவளி பெண் நிக்கி ஹாலே இடம்பெற வாய்ப்புள்ளது.
வாஷிங்டன்: அமெரிக்க அதிபராக பதவியேற்க உள்ள டொனால்ட் ட்ரம்ப் அமைச்சரவையில் இந்திய வம்சாவளியை சேர்ந்தவரும், தெற்கு கரோலினா ஆளுநராக பதவி வகித்தவருமான நிக்கி ஹாலே இடம்பெறுவதற்கு அதிக வாய்ப்புள்ளதாக தெரிகிறது.
அமெரிக்க அதிபர் தேர்தலில் குடியரசு கட்சியை சேர்ந்த டொனால்ட் ட்ரம்ப் அமோக வெற்றி பெற்றார். தேர்தல் கணிப்புகள் அனைத்துமே ஜனநாயக கட்சி வேட்பாளர் ஹிலாரி கிளிண்டன் வெற்றி பெறுவார் என கூறிவந்த நிலையில், அவற்றை பின்னுக்குத்தள்ளி குடியரசு கட்சி வேட்பாளர் டொனால்ட் ட்ரம்ப் வெற்றி பெற்றார். அடுத்த ஆண்டு ஜனவரி 20ம் தேதியன்று அதிபராக அவர் பதவியேற்க உள்ளார்.
தற்போது, புதிய அமைச்சரவை அமைப்பதில் ட்ரம்ப் தீவிரவாக செயல்பட்டு வருகிறார். இதற்காக பல்வேறு முக்கிய பிரமுகர்களை சந்தி்த்து வருகிறார். ட்ரம்ப் அமைச்சரவையில் இடம்பெறுவோர் பட்டியலை அதற்கென ட்ரம்ப் நியமித்த குழுவினர் தயாரித்து வருகின்றனர். இந்நிலையில், அமெரிக்காவில் வசிக்கும் இந்திய
வம்சாவளியை சேர்ந்த நிக்கி ஹாலே, ட்ரம்ப் அமைச்சரவையில் இடம்பெறுவார் என கூறப்படுகிறது. அவரது பெயர் தீவிர பரிசீலனையில் உள்ளது. இதனிடையே தெற்கு கரோலினாவில் இரண்டாவது முறையாக கவர்னர் பதவி வகிக்கும் நிக்கி ஹாலேவை இன்று ட்ரம்ப் சந்திக்கிறார். எனவே, நிக்கி ஹாலே அமைச்சராகும் வாய்ப்பு பிரகாசமாக உள்ளதாக தகவல்கள் கூறுகின்றன.
இந்திய வம்சாவளியை சேர்ந்தவரும், லூசியானா முன்னாள் கவர்னருமான பாபி ஜின்டாலும் ட்ரம்ப் அமைச்சரவையில் இடம்பெற வாய்ப்புள்ளது என ஏற்கனவே தகவல் வெளியானது. சுகாதாரத்துறை அமைச்சர் பொறுப்புக்கு பென் கார்சன் மற்றும் ஜிண்டால் பெயர்கள் பரிசீலனையில் இருப்பதாகத் தெரிகிறது. ட்ரம்ப் அமைச்சரவையில் இடம் பெற்றால், அமெரிக்காவில் அமைச்சராகும் முதல் இந்திய-அமெரிக்கர் என்ற பெருமையும் ஜிண்டாலுக்குக் கிடைக்கும்.
Click it and Unblock the Notifications
Sign in with Google