தலையில் "டிரம்ப்".. தம்பி மண்ட பத்ரம்!
அமெரிக்காவில் ஒரு சலூன் கடையில் அதிபர் டொனால்ட் டிரம்பின் உருவம் பதித்த டாட்டூக்கள் வரையப்படுகின்றன.
வாஷிங்டன் : அமெரிக்காவில் ஒரு சலூன் கடைக்கு வரும் வாடிக்கையாளர்களுக்கு அதிபர் டொனால்ட் டிரம்ப் உருவம் பதித்த ஹேர் ஸ்டைல்கள் செய்யப்படுகின்றன. இது தற்போது வைரலாகி வருகிறது.
அமெரிக்க அதிபர் அவரது பொன்னிற முடிக்கும், அவரது முகப் பாவனைக்கும் புகழ் பெற்றவர். அதிபராக பொறுப்பேற்றவுடன் பல்வேறு அதிரடி முடிவுகளை எடுத்து வருகிறார்.
பொதுவாக பச்சை குத்துதல் எனப்படும் டேட்டூக்கள் வரைவது என்பது உடலில் கையில் ஆரம்பித்து தற்போது உடல் முழுவதும் குத்தப்படுகிறது. தலைமுடியில் டேட்டூக்கள் வரைவதும் பிரபலமாகி வருகிறது.
ஆம்... அமெரிக்காவில் உள்ள ஒரு சலூன் கடையில் தைவான் நாட்டை சேர்ந்த ஆலன் சேன் என்பவர் தலைமுடியில் டேட்டூக்களை உருவாகும் பணியை செய்து வருகிறார். அதிலும் பெரும்பாலான வாடிக்கையாளர்கள் 71 வயதான டிரம்ப்பின் உருவத்தை தலையில் டேட்டூக்களாக வரைய கேட்கின்றனர்.
இதனால் ஆலன் சேனும் அதுபோல் பொன்னிற முடியில் டிரம்பின உருவப்படத்தை வரைந்து வருகிறார். இது தற்போது சமூகவலைதளங்களில் வைரலாகி வருகிறது. கத்தரிகோல், ரேசர், டிரிம்மர் மற்றும் ஹேர் டை ஆகியவற்றை மட்டுமே கொண்டு டிரம்பின் உருவத்தை தலை முடியில் செதுக்கி வருவது பிரபலமாகி வருகிறது.
Click it and Unblock the Notifications
Sign in with Google