திமுக தலைவர் கலைஞர் மறைவு.. துபாய் ஈமான் அமைப்பு இரங்கல்

துபாய்: திமுக தலைவர் கலைஞர் மறைவுக்கு துபாய் ஈமான் அமைப்பு இரங்கல் தெரிவித்துள்ளது.

இதுதொடர்பாக ஈமான் அமைப்பு விடுத்துள்ள அறிக்கையில் கூறியிருப்பதாவது, திராவிட முன்னேற்ற கழக தலைவரும், தமிழகத்தின் முன்னாள் முதல்வருமான கலைஞர் மு. கருணாநிதி 07.08.2018 செவ்வாய்க்கிழமை மாலை காலமானார்.

தமிழகத்தின் தன்னிகரில்லாத தலைவர் திகழ்ந்த கலைஞர் அவர்களின் மறைவு தமிழ் சமுதாயத்திற்கு மிகவும் பேரிழப்பாகும். தமிழக மக்கள் மட்டுமல்லாது அமீரகத்தில் வாழ்ந்து வரும் தமிழ் மக்களும் மிகவும் துயரத்தில் உள்ளனர்.

கலைஞர் அவர்களது இழப்பு தமிழக அரசியல் வரலாற்றில் ஒரு பெரும் இழப்பாகும். அள்ளும், பகலும் அயராது உழைத்த உதய சூரியன் தனது மூச்சை நிறுத்திக் கொண்டுள்ளது.

கலைஞர் அவர்கள் மறைந்த இந்த துயர நிகழ்வால் துபாய் ஈமான் அமைப்பும் பங்கு கொள்கிறது. என தெரிவிக்கப்பட்டுள்ளது.

English summary

Dubai Eman association condoles for Karunanidhi's demise