தெருவில் பெண் சிறுநீர் கழித்த பிரச்சனை, உரிமைப் போராட்டமாக வெடித்த சுவாரஸ்யம்!

ஆம்ஸ்டர்டாம் நகரின் மையத்திலுள்ள ஒரு பாதையில் சிறுநீர் கழித்து தன்னை ஆசுவாசப்படுத்திக் கொண்டதற்கு நெதர்லாந்து பெண்ணொருவருக்கு 90 யூரோ அபராதம் விதித்த வழக்கு பாலியல் பற்றி அனல் பறக்கும் விவாதத்தை அங்கு ஏற்படுத்தியுள்ளது.

குப்பைத்தொட்டி

நெதர்லாந்தின் தலைநகரில் 35 பொது கழிப்பிடங்கள் ஆண்களுக்கு உள்ளபோது, பெண்களுக்கு வெறும் மூன்றுதான் கட்டப்பட்டுள்ளன.

2015 ஆம் ஆண்டு ஆம்ஸ்டர்டாமில் மிகவும் ஆள்நடமாட்டமுள்ள லெய்டுசிபிளேனில் இரவு நேரத்தில் மது அருந்திவிட்டு வெளிவந்திருந்த வேளையில் 23 வயதான கீர்டெ பியேனிங் பிடிப்பட்டார்.

ஏறக்குறைய அனைத்தும் மூடப்பட இருந்த வேளையில், பெண்களுக்கான பொது கழிப்பிடம் சில கிலோமீட்டர் தொலைவில் இருந்ததால், அவருடைய நண்பர்கள் காவலிருக்க, கீர்டெ பியேனிங் சிறுநீர் கழிக்க ஓர் அமைதியான தெருவை தேர்வு செய்தார்.

சிறுநீர் கழித்தபோது, மூன்று போலீஸ் அதிகாரிகளால் அவர் பிடிக்கப்பட்டார். "அந்நேரத்தில் போய் நான் உரையாடலில் ஈடுபடுவதற்கு விரும்பவில்லை" என்று தெரிவித்த அவர், "அடுத்த நாள், இதனை எதிர்த்து தான் போராடப்போகிறேன்" என்று திடீரென கூறினார்.

இந்த வழக்கை விசாரித்த ஆண் நீதிபதி, பொது இடத்தில் இந்த பெண் சிறுநீர் கழித்ததற்கு பதிலாக ஆண்களுக்கு வழங்கப்பட்டுள்ள வசதிகளில் ஒன்றை பயன்படுத்தியிருக்கலாம் என்று தெரிவித்திருக்கிறார். இது டச்சு மொழியில் "வைல்டுபிளாஸ்சென்" என்று அறியப்படுகிறது.

English summary

The case of a Dutch woman fined €90 (£80; $105) for relieving herself in an alleyway in the centre of Amsterdam has turned into a debate about sexism.