நீல நிற உருளைக்கிழங்கு சாப்பிட்டால் பெருங்குடல் புற்றுநோய் ஓடிடுமாம்...!

வாஷிங்டன்: பிரெஞ்சு மொழியில் "வைட்டிலோட்" என்று அழைக்கப்படும் நீல நிற உருளைக்கிழங்கு பெருங்குடல் புற்றுநோயை குணப்படுத்தும் என்பதை ஆய்வாளர்கள் நி்ரூபித்துள்ளனர்.

இந்த வகை உருளைக்கிழங்குகள் வேக வைத்த பின்னர் நீல நிறமாக மாறும் குணமுடையது. பிரான்சில் முதன்முதலில் விளைவிக்கப்பட்டவை.

அமெரிக்காவின் பென்சில்வேனியா மாநிலத்தில் உள்ள ஹெர்ஷ்லே புற்றுநோய் நிலையம் மேற்கொண்ட ஆய்வில் ஊதா நிற உருளைக்கிழங்கு பெருங்குடல் புற்றுநோயை முற்றிலும் அழிக்கவல்லது என நிரூபணமாகியுள்ளது.

சோதனையில் நிரூபணம்:

இந்த ஆய்வில் வேகவைக்கப்பட்ட உருளைக்கிழங்கின் மூலம் பெருங்குடலில் ஏற்படும் புற்றுநோய் செல்கள் அழிக்கப்படுவது தெரியவந்துள்ளது. இது பெருங்குடல் புற்றுநோயால் பாதிக்கப்பட்ட எலியின் மீது சோதனையின் மூலம் நிரூபணமாகியுள்ளது.

தினமும் ஒன்று சாப்பிடுங்க:

ஒரு நாளில் நடுத்தர அளவில் உள்ள இந்த உருளைக்கிழங்கை மதியமும், இரவும் எடுத்துக் கொள்வதன் மூலமோ அல்லது பெரிய உருளைக்கிழங்கு ஒன்றை நோய் பாதிக்கப்பட்டவர்கள் உண்ணுவதன் மூலமாக அவர்களுக்கு இந்த புற்றுநோய் குணமாகும் என ஆய்வில் தலைமை வகித்த ஜெய்ராம் கே.பி. வனமாலா தெரிவித்தார்.

புற்றுநோய் செல்கள் அழியும்:

இவ்வகை உருளையில் உள்ள ஆந்தோசியானின்ஸ், குளோரோஜெனிக் அமிலம் மற்றும் ஸ்டார்ச் ஆகியவை இந்தப் புற்றுநோய் செல்களை வேருடன் அழிக்கும் காரணியாக இருப்பதாக அவர்கள் கருதுகின்றனர். மேலும், பியூட்ரிக் அமிலம் நோய் எதிர்ப்பு சக்தியை உடலில் கூட்டுவதன் மூலம், நாள்பட்ட அழற்சியைக் சுருக்கி, புற்றுநோய் செல்களை அழிப்பதாக அவர்கள் தெரிவித்தனர்.

இதுவே போதும் குணமாக்க:

எனவே, முதல் நிலை மற்றும் இரண்டாம் நிலை புற்றுநோயைத் தடுக்க இந்த உருளைக்கிழங்கை உட்கொண்டாலே போதும் என அவர்கள் தெரிவித்துள்ளனர்.

English summary

In a breakthrough discovery, researchers at Penn State University have claimed that eating baked purple potatoes can not only prevent the spread of colon cancer but also it can destroy the deadly cancer stem cells.