மாஜி காதலை சொல்லாமல் இருக்க 5 இலக்க தொகை... இங்கிலாந்து கேப்டன் மோர்கனுக்கு மிரட்டல்!
சிட்னி: இங்கிலாந்து ஒருநாள் கிரிக்கெட் அணிக்கான கேப்டன் இயோன் மோர்கன் அவரது முன்னாள் காதலியுடன் உல்லாசமாக இருந்த விவகாரத்தை பத்திரிகைகளில் வெளியிட்டுவிடுவேன் என்று கூறி பணம் கேட்டு மிரட்டல் இ-மெயில் வந்த சம்பவம் இங்கிலாந்து கிரிக்கெட் வாரியத்தில் சலசலப்பை ஏற்படுத்தியது. இந்த மிரட்டலை விடுத்தது, முன்னாள் காதலியின் இன்னாள் காதலன் என்பது கூடுதல் தகவலாகும்.
உல்லாசம்
இங்கிலாந்து, ஒருநாள் கிரிக்கெட் அணியின் கேப்டன் இயோன் மோர்கன். இவருக்கும் ஆஸ்திரேலியாவை சேர்ந்த ஒரு பெண்ணுக்கும் ஐந்து வருடங்கள் முன்பு உறவு இருந்தது. அந்த பெண்ணுடன் டேட்டிங் செய்து சுற்றித்திரிந்தார் மோர்கன். தற்போது அந்த பெண் வேறு ஒருவருடன் உள்ளார்.
ஆஸ்திரேலியாவில் சுற்றுப்பயணம்
தற்போது இங்கிலாந்து கிரிக்கெட் அணி ஆஸ்திரேலியாவில் சுற்றுப்பயணம் செய்து முத்தரப்பு ஒருநாள் கிரிக்கெட் தொடரில் விளையாடிவருகிறது. உலக கோப்பை போட்டிக்கும் தயாராகிவருகிறது.
மிரட்டல் இமெயில்
இந்நிலையில், இங்கிலாந்து வேல்ஸ் கிரிக்கெட் வாரியத்திற்கு ஒரு இ-மெயில் வந்தது. அந்த மெயிலில், "கேப்டன் மோர்கன் காதல் பற்றிய ரகசியங்களை இங்கிலாந்து மற்றும், ஆஸ்திரேலிய ஊடகங்களில் வெளியிடாமல் இருக்க வேண்டுமானால், ஐந்து இலக்க பணம் அளிக்க வேண்டும்" என்று மிரட்டப்பட்டிருந்தது.
முன்னாளை மிரட்டிய இன்னாள்
இதுகுறித்து பிரிட்டீஷ் மற்றும் ஆஸ்திரேலிய போலீசார் நடத்திய விசாரணையில், மோர்கனின் முன்னாள் காதலியிடம் தற்போது உறவு வைத்துள்ள நபர்தான், இந்த ரகசியங்களை தெரிந்து கொண்டு மிரட்டல்விடுத்தது தெரியவந்தது. இதையடுத்து அவர் எச்சரிக்கப்பட்டார்.
விடமாட்டோம்
இங்கிலாந்து கிரிக்கெட் வாரிய மேலாண் இயக்குநர் பவுல் டவுன்டன் கூறுகையில், "முத்தரப்பு கிரிக்கெட் மற்றும் உலக கோப்பைக்காக தயாராகிவரும் இங்கிலாந்து அணியின் கவனத்தை குலைக்க விடமாட்டோம்" என்று தெரிவித்தார்.
Click it and Unblock the Notifications
Sign in with Google