ஷரபோவாவை விடுங்க பாஸ்: தலாய் லாமாவுக்கே டெண்டுல்கர் யார் என்றே தெரியவில்லை

சென்னை: முன்னாள் கிரிக்கெட் வீரர் சச்சின் டெண்டுல்கர் யார் என்று தெரியாது என ரஷ்ய டென்னிஸ் வீராங்கனை மரியா ஷரபோவா மட்டும் கூறவில்லை மத குருவான தலாய் லாமாவும் தெரிவித்துள்ளார்.

முன்னாள் கிரிக்கெட் வீரர் சச்சின் டெண்டுல்கர் என்றால் யார் என்று தெரியாது என ரஷ்ய டென்னிஸ் வீராங்கனை மரியா ஷரபோவா தெரிவித்திருந்தார். இதை கேட்ட சச்சின் ரசிகர்கள் கொந்தளித்து ஃபேஸ்புக், ட்விட்டரில் அவரை திட்டித் தீர்த்துள்ளனர்.

முன்னதாக மற்றொரு பிரபலமும் சச்சினை யார் என்று கேட்டிருக்கிறார் என தெரியுமா?

தலாய் லாமா

1959ம் ஆண்டில் இந்தியாவில் தஞ்சம் அடைந்த திபெத்திய மத குருவான தலாய் லாமா தான் சச்சின் டெண்டுல்கரை யார் என்று கேட்ட பிரபலம்.

இது எப்பொழுது?

ஷரபோவா கேட்டது தெரியும் தலாய் லாமா எப்பொழுது கேட்டார் என்று தானே நினைக்கிறீர்கள்?

2011

கடந்த 2011ம் ஆண்டில் இமாச்சல பிரதேச மாநிலம் சிம்லாவில் கிங்ஸ் XI பஞ்சாப் மற்றும் டெக்கன் சார்ஜர்ஸ் அணிகளுக்கு இடையே நடந்த டி20 போட்டியை காண ஹெச்பிசிஏ ஸ்டேடியத்திற்கு தலாய் லாமா வந்திருந்தார்.

சச்சின்

கிரிக்கெட் பார்த்த தலாய் லாமாவிடம் உங்களுக்கு சச்சின் டெண்டுல்கரை தெரியுமா என்று கேட்டதற்கு சிறிது நேரம் யோசித்துவிட்டு இல்லை, ஞாபகம் இல்லை என்றார்.

English summary

Before Russian tennis star Maria Sharapova Tibetian spiritual leader Dalai Lama also told that he didn't know who Sachin is.