பேஸ்புக்கில் துக்கச் செய்தி: இனி, லைக் போட வேண்டிய தர்மசங்கடம் இல்லை...

Published: Tuesday, December 10, 2013, 16:43 [IST]

Subscribe to Oneindia Tamil

நீங்கள் பேஸ்புக் பயன்படுத்துபவராக இருந்தால் நிச்சயம் இந்தத் தர்மசங்கடத்தை அனுபவித்திருப்பீர்கள்...

உங்கள் நண்பரோ அல்லது உறவினரோ யாராவது அவரது மனத் துயரத்தை பகிர்ந்து கொண்டிருக்கும் ஸ்டேட்டஸிற்கு நீங்கள் உங்கள் ஆதரவைத் தர வேண்டும் என நினைப்பீர்கள். ஆனால், அதனை எப்படி வெளிப்படுத்துவது எனத் தெரியாமல் லைக் போட்டு வைப்பீர்கள்.

உங்களுக்கே தெரியும் இதற்கு லைக் போடக் கூடாது என ஆனால், வேறு வழியில்லையே என வருத்தப் பட்டு வந்த உங்களுக்காகவே இதோ புதிய வசதி ஒன்றை அறிமுகப் படுத்தப் போகிறார்கள் பேஸ்புக் தயாரிப்பாளர்கள்.

சிம்பதி பட்டன்...

உங்கள் அனுதாபத்தை வெளிப்படுத்தும் வகையில் இனி, பேஸ்புக்கில் ‘சிம்பதி' என்ற புதிய பட்டனும் சேரப் போகிறது.

விரைவில்...

இதற்கான பணிகள் முடிவடைந்து விட்டதாகவும், விரைவில் அது பயன்பாட்டிற்கு வரும் எனவும் பேஸ்புக் நிர்வாகப் பொறியாளர் ஒருவர் தெரிவித்துள்ளார்.

குறிப்பிட்ட மெயில்களில்...

இந்தப் புதிய பட்டனானது எல்லா ஸ்டேட்டஸிலும் இருக்காதாம். குறிப்பிட்ட உணர்ச்சிகளை வெளிப்படுத்தும் ஸ்டேட்டஸுகளுக்கு மட்டும் ஒளிரும் வகையில் அமைக்கப் பட உள்ளதாம்.

இப்போதைக்கு இல்லை...

மக்கள் இந்த வசதியைப் பயன் படுத்த ஆர்வமாகக் காத்துக் கொண்டிருந்தாலும், அதனை இப்போதைக்கு அறிமுகப் படுத்தும் ஐடியா இல்லையாம்.

இதெல்லாம் ரொம்ப ஓவர்...

விரைவில் இது போன்ற வசதி அறிமுகமானால் பேஸ்புக் பயன் படுத்துவர்களுக்கு மிகவும் வசதியாக இருக்கும். ஏனெனில், பலர் துயரச் செய்திகளுக்கும் லைக் போட்டு பாடாய் படுத்தி வருகிறார்கள்.

Published On December 10, 2013