இஸ்ரேலில் உள்ள ஃபேஸ்புக் தலைமையகத்தை சேதப்படுத்திய 'மார்க் ஜக்கர்பர்க்'

ஜெருசலம்:இஸ்ரேல் தலைநகர் டெல் அவிவில் உள்ள ஃபேஸ்புக் தலைமையகம் சேதப்படுத்தப்பட்டுள்ளது.

ஃபேஸ்புக்கில் யூதர்கள் மற்றும் இஸ்ரேலியர்களுக்கு எதிராக வன்முறையை தூண்டும் வகையில் உள்ள பக்கங்களை அழிக்குமாறு கோரிக்கை விடுக்கப்பட்டது. இந்நிலையில் அந்த பக்கங்கள் அழிக்கப்படாததை கண்டித்து இஸ்ரேல் தலைநகர் டெல் அவிவ் நகரில் உள்ள ஃபேஸ்புக் தலைமையகம் சேதப்படுத்தப்பட்டுள்ளது.

இஸ்ரேலைச் சேர்ந்த ரோதம் ஜீஸ் என்பவர் ரத்த கறைபடிந்த கைகளை ஃபேஸ்புக் அலுவலக சுவரில் ஸ்ப்ரே பெயிண்ட் செய்ததுடன் உங்கள் கைகளில் ரத்தம் என்று கோஷமிட்டதாக செய்திகள் வெளியாகியுள்ளன.

இது குறித்து ரோதம் கூறுகையில்,

இஸ்ரேலியர்களை கொலை செய்யத் தூண்டும் பக்கங்களை ஃபேஸ்புக் நிர்வாகம் அழிக்கவில்லை. அதனால் தான் அந்த அலுவலகத்தை சேதப்படுத்தினேன். மக்கள் அதை அதிகம் படிக்கிறார்கள் என்பதற்காக அந்த பக்கங்களை அப்படியே வைத்துள்ளது என்றார்.

முன்னதாக கடந்த 2011ம் ஆண்டு ரோதம் தனது பெயரை மார்க் ஜக்கர்பர்க் என்று மாற்றிக் கொண்டார். அதன் மூலம் ஃபேஸ்புக் ஏதாவது வழக்கு போட்டால் அதன் நிறுவனரின் பெயரில் உள்ளவர் மீது போட வேண்டும் என அவ்வாறு செய்தார். ஃபேஸ்புக்கில் போஸ்ட் போடுவதற்கு கிடைக்கும் லைக்குளை விற்பனை செய்யும் முறையை உருவாக்கியதற்காக ரோதம் மீது ஃபேஸ்புக் வழக்கு தொடர்ந்தது என்பது குறிப்பிடத்தக்கது.

English summary

Facebook headquarters in the Israeli capital of Tel Aviv city was vandalized during protest against the social networking website's failure to delete pages inciting violence against Jews and Israelis, a media report said.