ஆமை வேக நெட் கனெக்‌ஷனா?... உங்களுக்காகவே வந்துருச்சு 'பேஸ்புக் லைட்'!

வாஷிங்டன்: இன்றைய காலகட்டத்தில் இன்டர்நெட் இல்லாமல் மக்கள் இல்லை என்ற நிலை உருவாகியுள்ளது.

ஆனால், அதன் வேகம்தான் பல நேரங்களில் ஆமை வேகத்தினை விட குறைந்து எரிச்சலை ஏற்படுத்தும்.

முக்கியமாக, நம்மவர்கள் பேஸ்புக்கில் தங்களது "அழகான" முகத்தினை போட்டோ எடுத்து பதிவேற்றும்போதுதான் அது மக்கர் செய்யும்.

அப்ளிகேஷன் வந்துருச்சு:

இப்படி கஷ்டத்திற்கு உள்ளாகும் ஆன்ட்ராய்ட் வாடிக்கையாளர்களின் மனதை துல்லியமாகப் புரிந்து கொண்ட பேஸ்புக் புது அப்ளிகேஷன் ஒன்றை அறிமுகப்படுத்தியுள்ளது.

எளிதாக யூஸ் செய்யலாம்:

மெதுவான இன்டர்நெட் கனெக்‌ஷன் கொண்டவர்கள், செல்போனில் குறைவான மெமரி உள்ளவர்கள், 2 ஜி இணைப்பு வைத்திருப்பவர்கள் என்று பலதரப்பட்டவர்கள் இந்த புதிய ஆப் மூலம் பேஸ்புக்கை எளிமையாகவும், துரிதமாகவும் உபயோகிக்கலாம்.

ஆமை வேக இன்டர்நெட்:

இந்த அப்ளிகேஷன் 1 எம்பிக்கும் குறைவான இடத்தை தான் எடுக்கும். மெதுவான இன்டர்நெட் கனெக்ஷன் இருந்தாலும் வேலை செய்யும் வகையில் இந்த ஆப் வடிவமைக்கப்பட்டுள்ளதாக பேஸ்புக் தெரிவித்துள்ளது.

அது கண்டிப்பா முடியாது:

இதன் மூலம் நியூஸ் பீட்ஸ், ஸ்டேட்டஸ் அப்டேட், புகைப்படங்கள், நோட்டிபிகேஷன் ஆகியவற்றைப் பார்க்க முடியும். அதேநேரம் வீடியோக்களை பார்க்க முடியாது.

ஆசியாவில் அறிமுகம்:

இந்த அப்ளிகேஷன் முதலில் ஆசியாவில் சில நாடுகளில் வெளிவந்த பின்னர் அமெரிக்கா, ஆப்ரிக்கா, ஐரோப்பா ஆகிய நாடுகளில் வெளிவரும் என்றும் பேஸ்புக் தெரிவித்துள்ளது.

English summary

Facebook’s new app for Android has all the features of its full app, but is faster, smaller and lighter on data.