யு.எஸ். வரலாற்றில் முதல்முறையாக: பெண்களுக்கான பிங்க் வயாக்ராவுக்கு ஒப்புதல்

வாஷிங்டன்: பெண்களின் பாலின உணர்ச்சியை தூண்டும் ஆட்யி என்ற வயாகரா மாத்திரைக்கு அமெரிக்க உணவு மற்றும் மருந்து நிர்வாகம் ஒப்புதல் அளித்துள்ளது.

ஆண்களின் பால் உணர்ச்சியை தூண்ட சந்தையில் வயாகரா மாத்திரைகள் கிடைக்கின்றது. இந்நிலையில் அமெரிக்காவைச் சேர்ந்த ஸ்பரௌட் மருந்து தயாரிப்பு நிறுவனம் பெண்களின் பால் உணர்ச்சியை தூண்ட ஆட்யி என்ற பெயரில் வயாகரா மாத்திரையை தயாரித்துள்ளது. இந்த மாத்திரைக்கு அமெரிக்க உணவு மற்றும் மருந்து நிர்வாகம் ஒப்புதல் அளித்துள்ளது.

பெண்களின் பால் உணர்ச்சியை தூண்டும் மாத்திரைக்கு முதன்முறையாக ஒப்புதல் கிடைத்துள்ளது. ஆண்களுக்கு பெண்கள் சரிசமம் அதனால் ஆட்யி மாத்திரைக்கு ஒப்புதல் வழங்க வேண்டும் என்று அமெரிக்காவில் குரல் எழுந்த நிலையில் ஒப்புதல் அளிக்கப்பட்டுள்ளது.

இது ஒன்றும் பெரிய விஷயம் இல்லை. இந்த மாத்திரையால் பெண்களுக்கு குறைந்த ரத்த அழுத்தம், மயக்கம், வாந்தி, தூக்கமின்மை உள்ளிட்ட பக்கவிளைவுகள் ஏற்படும் என்று சிலர் தெரிவித்துள்ளனர். பிங்க் வயாகரா என்று அழைக்கப்படும் ஆட்யி மாத்திரை பெண்களுக்கு கிடைத்த நல்ல விஷயம் என்று சிலர் தெரிவித்துள்ளனர்.

இந்த மாத்திரை வரும் அக்டோபர் மாதம் 17ம் தேதி முதல் மருந்து கடைகளில் கிடைக்கும் என்று தெரிவிக்கப்பட்டுள்ளது.

English summary

USA has given approval to Addyi, a pill to treat a flagging or absent libido for women.