ஃபெட்னா 2017: வட அமெரிக்க தமிழ்ப் பேரவை விழா... இசைமழை தருகிறார்கள் நிரஞ்சனா இரமணன், ஸ்ரதா கணேஷ்
இந்த ஆண்டின் தமிழ்ப்பேரவை விழாவில் சிறப்பு விருந்தினராகக் கலந்து கொண்டு இசைமழை பொழியவிருக்கிறார்கள் சூப்பர் சிங்கர் பாடகிகள், நிரஞ்சனா இரமணன் மற்றும் ஸ்ரதா கணேஷ்.
மினசோட்டா: வட அமெரிக்க தமிழ்சங்கமும் மினசோட்டாத் தமிழ்ச் சங்கமும் இணைந்து நடத்தும் 30ம் பேரவைத் தமிழ் விழாவில் சிறப்பு விருந்தினராக, சூப்பர் சிங்கர் பாடகிகள், நிரஞ்சனா இரமணன் மற்றும் ஸ்ரதா கணேஷ் ஆகியோர் பங்கேற்று இசைப்பாடல்களை வழங்கிட உள்ளனர்.
திரைப்படப் பின்னணிப் பாடகி நிரஞ்சனா இரமணன்
சென்னையைச் சேர்ந்த இவர் தொலைக்காட்சி நிகழ்ச்சிகளில் சிறந்த பாடகருக்கான போட்டிகளில் பங்கேற்று வெற்றிகளை குவித்துள்ளார். அண்மையில் வெளிவந்த "மருது" தமிழ் திரைப்படத்தில் பின்னணி பாடகியாக அறிமுகமாகியுள்ளார்.
இவரின் இசை நிகழ்ச்சி வரும் 30ம் தேதி அமெரிக்க நேரப்படி மாலை 6 முதல் 9.30 மணி வரை ஜூலை 2ம் தேதி மாலை 6 மணிக்கு திரை மெல்லிசை விருந்தும் தமிழ்ப் பேரவை விழாவில் நடக்கவுள்ளது.
பாடகர் ஸ்ரதா கணேஷ்
ஸ்ரதா கணேஷ் அகில இந்திய வானொலிக் கலைஞரான தன் பாட்டி பார்வதி இராமன் இளம் பிராயத்திலிருந்தே இசை கற்று வருபவர்.
அமெரிக்கா, கனடா, வளைகுடா நாடுகளிலும் இந்தியாவிலும் பல இசை நிகழ்ச்சிகளில் கலந்து கொண்டிருக்கிறார். பல விருதுகளை பல அமைப்புகளிடமிருந்து பெற்றிருக்கிறார்.
விஜய் தொலைக்காட்சியின் சூப்பர் சிங்கர் ஜூனியர் போட்டியில் கலந்து கொண்டு திறம்பட பாடிப் புகழ் பெற்றவர். கனடா நாட்டைச் சார்ந்த அக்னி இசைக்குழுவினூடாக பல இசை நிகழ்ச்சிகளில் தொடர்ந்து பாடி வருகிறார்.
இசைஞானி இளையராஜாவின் முன்னிலையில் பாடியிருக்கிறார். பேரவைத் திருவிழாவில் நடக்கவிருக்கும் மெல்லிசை நிகழ்ச்சியிலும் பங்கேற்று நம்மையெல்லாம் இன்னிசையில் மகிழ்விக்கவிருக்கிறார்.
இவரின் நிகழ்ச்சிகள், வரும் 30ம் தேதி மாலை 6 மணி முதல் இரவு 9.30 மணி வரையிலும், ஜூலை 2ம் தேதி மாலை 6 மணிக்கு திரை மெல்லிசை விருந்தும் மெயின் ஆடிட்டோரியத்தில் நடக்கவுள்ளது.
Click it and Unblock the Notifications
Sign in with Google