127வது பிறந்த நாளை கொண்டாடிய உலகின் மிக மிக அதிக வயதான பாட்டி!

லண்டன்: உலகின் மிக வயதான பெண் என்ற சாதனையை படைத்துள்ள மெக்சிகோ நாட்டைச் சேர்ந்த லியாண்ட்ரா பெக்கெர்ரா லம்ப்ரேரஸ் நேற்று தனது 127வது பிறந்த நாளை உறவினர்கள் மற்றும் நண்பர்களுடன் கொண்டாடினார்.

கடந்த 1887 ஆகஸ்ட் 31 இல் மெக்சிகோவின் ஜபோபான் என்ற இடத்தில் பிறந்த இவர் இரண்டு உலகப் போர்களையும் பார்த்துள்ளார். மெக்சிகோ ராணுவத்தில் சிறிது காலம் பணியாற்றியுள்ள இவரின் கடைசி கொள்ளு பேத்தியின் வயது 43 ஆகும்.

நீண்ட நேரம் உறங்குவது தான் இவரின் நீண்ட ஆயுள் ரகசியம் என இவரின் உறவினர்கள் தெரிவித்தனர். சில நாட்களில் தொடர்ந்து மூன்று நாட்கள் வரை எழுந்திருக்காமல் துாங்குவாராம் லம்ப்ரேரஸ்.

இதற்கு முன்னால் ஜப்பானின் 116 வயதான மிசாவோ ஒகாவா தான் உலகின் அதிக வயதான ஆண் என "கின்னஸ்" சாதனை புத்தகத்தால் குறிப்பிடப்பட்டுள்ளார்.

English summary

A Mexican woman who is celebrating her 127th birthday today is believed to be the oldest human to have ever lived - and the secret to her long life may be chocolate and lots of sleep.