ஆஸ்திரேலியாவின் மெல்போர்ன் நகர வணிக வளாகத்தில் நொறுங்கி விழுந்த விமானம்.. 5 பேர் பலி

ஆஸ்திரேலியாவின் மெல்போர்ன் நகரில் உள்ள வணிக வளாகத்தில் விமானம் விழுந்து நொறுங்கி விபத்தில் 5 பேர் பலியானதாக விக்டோரியா காவல்துறை அதிகாரிகள் தெரிவித்துள்ளனர்.

மெல்போர்ன் : ஆஸ்திரேலியாவின் முக்கிய நகரான மெல்போர்னின் வடமேற்கு பகுதியில் சுமார் 13 கிமீ தொலைவில் (எஸ்செண்டன்) சிறிய இலகு ரக விமான நிலையம் அமைந்துள்ளது. அங்கிருந்து கிங் தீவிற்கு செல்வதற்காக 5 பேருடன் விமானம் புறப்பட்டது.

அப்போது திடீரென அருகிலுள்ள வணிக வளாகத்தில் விமானம் விழுந்து நொறுங்கி விபத்துக்குள்ளானது. இந்த விபத்து குறித்த தகவல் அறிந்தவுடன் மீட்புப்படையினர் விரைந்து மீட்பு பணிகளை மேற்கொண்டனர்.

இந்த விபத்தில் விமானத்தில் பயணம் செய்த 5பேரும் உயிரிழந்தாக விக்டோரியா காவல்துறை அதிகாரிகள் தெரிவித்துள்ளனர். மேலும் இயந்திர கோளாறு காரணமாக இந்த விபத்து நிகழ்ந்துள்ளதாக விசாரணையில் தெரியவந்துள்ளது.

English summary

Five people have died as a result of Victoria's worst civil aviation accident in 30 years, after a plane crashed into a shopping centre near Melbourne's Essendon Airport, authorities say.