குண்டாக இருந்த பெண் ஊழியரை விமானத்தில் கீழே இறக்க விட்ட சீன விமான நிறுவனம்!

பெய்ஜிங்: குண்டாக இருந்த பெண் ஊழியரை ஓவர் வெயிட்டாக இருப்பதாக கூறி விமானத்தில் ஏற்ற அனுமதி மறுத்த விமான நிறுவனத்தால் சர்ச்சை ஏற்பட்டுள்ளது.

இந்த சம்பவம் சீனாவில் நடந்துள்ளது. விமான நிறுவனம் வகுத்துள்ள எடைக்கும் மேலே அவரது எடை இருந்ததால் இந்த நடவடிக்கையாம்.

அந்த விமான நிறுவனத்தின் பெயர் குயிங்டாவோ ஏர்லைன்ஸ் என்பதாகும். இந்த நிறுவனம் தனது பெண் ஊழியர் ஒருவர் தான் நிர்ணயித்த எடையை விட அதிக எடையில் இருந்ததால் அவர் விமானத்தில் ஏற தடை விதித்துள்ளது. இது சீனாவில் பரபரப்பை ஏற்படுத்தியுள்ளது.

மறுத்துள்ள விமான நிறுவனம்:

ஆனால் இப்படி எதுவும் நடக்கவில்லை என்று அந்த விமான நிறுவனம் மறுத்து விட்டது. எந்த ஊழியருக்கும் தாங்கள் தடை விதிக்கவில்லை என்றும் அது கூறியுள்ளது. இதுகுறித்து மேலும் விளக்கம் அளிக்கவும் அது மறுத்து விட்டது.

உயரம்-அகலம் எல்லாம்:

இந்த விமான நிறுவனத்தின் இணையதளத்தில் பெண் ஊழியர்களுக்கான உயரமானது 165 முதல் 172 சென்டிமீட்டர் என்றும் எடை 50 முதல் 68 கிலோ வரை என்றும் போடப்பட்டுள்ளது.

வயது வரம்பு:

மேலும் விமான பெண் ஊழியர்களுக்கான வயது உச்சவரம்பானது 30க்குள் என்றும் தெரிவிக்கப்பட்டுள்ளது.

விமான ஆணைய வரம்பு:

அதேசமயம், சீன விமான ஆணையத்தின் எடை வரம்பானது 73 கிலோ வரை ஏர்ஹோஸ்டஸ் இருக்கலாம் என்று கூறுகிறது என்பது குறிப்பிடத்தக்கது.

English summary

An airline in China has allegedly banned a flight attendant from flying because she exceeded its height-to-weight ratio requirements.