ஆன்லைனில் வேலை தேடும் முன்னாள் கிரேக்க அமைச்சர்
ஏதென்ஸ்: முன்னாள் கிரேக்க உள்துறை அமைச்சர் தற்போது இணையதளம் மூலமாக வேலை தேடிக் கொண்டிருப்பது பலரையும் ஆச்சரியப்பட வைத்துள்ளது.
கிரீஸ் நாட்டைச் சேர்ந்தவர் ஆர்கைரிஸ் டினோபாலஸ். அந்நாட்டின் முன்னாள் உள்துறை அமைச்சர். கிரீஸ் நாடு பொருளாதார நெருக்கடியில் சிக்கித் தவித்தபோது 13 ஆண்டுகளாக அரசியலில் இருந்தவர், 15 ஆண்டுகளாக சர்வதேச பத்திரிக்கையாளராக இருந்தவர், வழக்கறிஞர், பிரெஞ்சு மற்றும் ஆங்கிலம் தெரிந்தவர், அருமையாக பேசக் கூடியவர், பிரச்சனைகளை தீர்க்கும் வல்லவர், முக்கிய முடிவுகளை எளிதில் எடுப்பவர் என்று பெயர் வாங்கிய டினோபாலஸ் வேலை தேடி தனது சி.வி.யை devnetjobs.org என்ற இணையதளத்தில் அப்லோட் செய்துள்ளார்.
முதலில் டினோபாலஸின் சி.வி.யை பார்த்த கிரேக்க ஊடகங்கள், அரசியல் தலைவர்கள், மக்கள் என பலரும் யாரோ இணையதளத்தில் விளையாடியுள்ளதாக நினைத்தனர். இல்லை இல்லை யாரும் விளையாடவில்லை நான் நிஜமாகவே வேலை தேடுகிறேன் என்று டினோபாலஸ் ட்விட்டரில் தெரிவித்த பிறகே மக்களுக்கு உண்மை தெரிய வந்தது.
டினோபாலஸ் 2007ம் ஆண்டு முதல் 2014ம் ஆண்டு வரை அமைச்சராக இருந்தவர். முன்னதாக 2002ம் ஆண்டு முதல் 2006ம் ஆண்டு வரை வடக்கு ஏதென்ஸில் உள்ள புறநகர் பகுதிக்கு மேயராக இருந்துள்ளார்.
டினோபாலஸுடன் கேபினட் அமைச்சராக இருந்த அடோனிஸ் ஜார்ஜியாடிஸ் வேலை தேடும் தனது சகாவை பாராட்டியுள்ளார். ஒரு முன்னாள் அமைச்சர் வேலை தேடுவது ஆச்சரியமாக உள்ளது என்று கிரேக்க ஊடகங்கள் செய்தி வெளியிட்டுள்ளன.
Click it and Unblock the Notifications
Sign in with Google