ஆதி தாத்தா ‘ஹோமோ எரக்டஸ்’ன் மண்டை ஓட்டு படிமம் சீனாவில் கண்டெடுப்பு

பீஜிங்: மனித இனத்தின் மூதாதையர் எனக் கூறப்படும் ஹோமோ எரக்டஸ்-ன் மிகப் பழமையான மண்டையோட்டு படிமத்தை சீனாவில் ஆராய்ச்சியாளர்கள் கண்டுபிடித்துள்ளனர்.

பண்டைய காலத்தில் மனிதர்களைப் போன்ற எலும்பு அமைப்புகளுடனும், மரபணு கூறுகளுடனும் வாழ்ந்த நமது மூதாதையர்கள், ‘ஹோமோ எரக்டஸ்' என அழைக்கப்படுகின்றனர்.

இந்நிலையில், சீனாவின் அன்ஹூய் மாகாணத்தில் உள்ள ஹுவலாங்டாங் அகழ்வாராய்ச்சி தளத்தில் கடந்த 2006ம் ஆண்டு முதல் தொல்பொருள் ஆய்வுகள் நடத்தப்பட்டு வருகின்றன.

வித்தியாசமான விலங்குகளின் படிமம்...

இதுவரை அந்தப் பகுதியில் இருந்து பண்டைய காலத்தைச் சேர்ந்த வித்தியாசமான விலங்கு வகைகளின் படிமங்களுடன் அவற்றின் பற்கள், எலும்புகள், மண்டையோட்டின் சிறு பாகங்கள் மற்றும் கற்கால கருவிகள் என பல்வேறு படிமங்கள் கண்டெடுக்கப்பட்டுள்ளன.

ஆய்வுகள்...

இவற்றைக் கொண்டு அகழ்வாராய்ச்சியாளர்கள் மற்றும் தொல்லியல் துறை வல்லுனர்கள் பல்வேறு ஆய்வுகளை நடத்தி வருகின்றனர்.

ஹோமோ எரக்டஸ்...

அந்தவகையில் தற்போது இப்பகுதியில் ஹோமோ எரக்டஸின் மிகப்பழமையான மண்டையோட்டு படிவம் ஒன்று கண்டெடுக்கப்பட்டுள்ளது. இது 1,50,000 மற்றும் 4,12,000 ஆண்டுகளுக்கு இடைப்பட்ட காலகட்டத்தைச் சேர்ந்ததாக இருக்கலாம் என ஆராய்ச்சியாளர்கள் கருதுகின்றனர்.

பரிணாம வளர்ச்சி...

மேலும், இந்த மண்டையோட்டு படிவத்தின் மூலம் சீனா மற்றும் கிழக்கு ஆசிய நாடுகளில் மனிதனின் பரிணாம வளர்ச்சியை அறிந்து கொள்வதற்கான வாய்ப்பு கிடைத்துள்ளதாக அவர்கள் கூறுகின்றனர்.

பீக்கிங் மனிதன்...

முழுவளர்ச்சியடையாத மனிதக்குரங்கு போன்ற மனிதன் பீக்கிங் மனிதனின் படிமங்கள் பீஜிங் நகரின் ஸோவ்கோவ்டியன் குகைகளில் கடந்த 1929 முதல் 1937-ம் ஆண்டுவரை நடந்த ஆகழ்வாராய்ச்சியில் கண்டெடுக்கப்பட்டது குறிப்பிடத்தக்கது.

English summary

A group of scientists in eastern China's Anhui province recently unearthed a fossilized skull belonging to Homo erectus. The well preserved skull was found at the fossil-rich Hualongdong archaeological site.