ஐ.எஸ்.ஐ.எஸ். இயக்கத்தை ஒடுக்க அமெரிக்காவுடன் கை கோர்க்கிறது பிரான்ஸ்!
Subscribe to Oneindia Tamil
பாரீஸ்: ஈராக், சிரியாவில் மேலாதிக்கம் செலுத்தி வரும் ஐ.எஸ்.ஐ.எஸ். இயக்கத்தினரை ஒடுக்குவதற்கு அமெரிக்காவுடன் கை கோர்க்க தயார் என்று பிரான்ஸ் அறிவித்துள்ளது.
ஈராக் மற்றும் சிரியாவின் பகுதிகளைக் கைப்பற்றி இஸ்லாமிய தேசம் என்ற தனிநாட்டை ஐ.எஸ்.ஐ.எஸ். இயக்கம் உருவாக்கியுள்ளது. இந்த இயக்கத்தை வளரவிடக் கூடாது என்பதில் அமெரிக்காவின் நட்பு நாடுகளும் அரபு நாடுகளும் உறுதியாக உள்ளன.
இந்த நிலையில் அமெரிக்காவுடன் இணைந்து ஐ.எஸ்.ஐ.எஸ். இயக்கத்தினர் மீது தாக்குதல் நடத்த பிரான்ஸூம் முன்வந்துள்ளது.
இது தொடர்பாக பிரான்ஸ் வெளியுறவுத் துறை அமைச்சர் லெளரண்ட் ஃபாபிஸ் கூறுகையில், ஈராக்கில் ராணுவ நடவடிக்கை தேவைப்பட்டால் பிரான்ஸும் களமிறங்கும்.
அதே நேரத்தில் சிரியாவின் களநிலைமை வேறு. இரண்டு நாடுகளின் பிரச்சனையையும் ஒரே மாதிரி நாங்கள் அணுகப் போவதில்லை என்றார்.
Click it and Unblock the Notifications
Sign in with Google