பீர் பாட்டிலில் கடவுள் லட்சுமியின் உடலில் விநாயகர் தலை லேபிளால் சர்ச்சை

சிட்னி: ஆஸ்திரேலிய நிறுவனத்தின் பீர் பாட்டில்களில் இந்து கடவுள்களான விநாயகர் மற்றும் லட்சுமியின் படங்கள் பயன்படுத்துப்பட்டுள்ளதற்கு கடும் எதிர்ப்பு கிளம்பியுள்ளது.

ஆஸ்திரேலியாவைச் சேரந்த ப்ரூக்வேல் யூனியன் ப்ரூவரி என்ற நிறுவனம் தான் தயாரித்த ஜிஞ்ஜர் பீர் பாட்டில் லேபிள்களில் இந்து கடவுள்களான விநாயகர் மற்றும் லட்சிமியின் படங்களை பயன்படுத்தியுள்ளது. லேபிள்களில் லட்சுமியின் உடலில் விநாயகரின் தலை இருப்பது போன்று உள்ளது.

இதற்கு சர்வதேச இந்து மத தலைவர்கள் கடும் எதிர்ப்பு தெரிவித்துள்ளனர். இந்த செயலுக்காக அந்த நிறுவனம் உடனே மன்னிப்பு கேட்பதுடன் அந்த லேபிள்களை வாபஸ் பெற வேண்டும் என்று அவர்கள் தெரிவித்துள்ளனர்.

இந்த லேபிள்கள் உலகின் மூன்றாவது மிகப்பெரிய மதத்தை இழிவுபடுத்தியுள்ளன என்று நியூ சவுத் வேல்ஸில் உள்ள இந்திய-ஆஸ்திரேலியர்களின் சங்க தலைவர் யடு சிங் தெரிவித்துள்ளார்.

முன்னதாக அமெரிக்க நிறுவனம் ஒன்று பீருக்கு காளிமா என்று பெயர் வைத்து சர்ச்சையில் சிக்கியது என்பது குறிப்பிடத்தக்கது.

English summary

An Australian brewery has come under severe criticism from Hindu groups for depicting religious deities on the labels of its alcoholic ginger beer bottles. International Hindu leaders have called for an apology from Brookvale Union Brewery and immediate withdrawal of the images of Hindu deities, Ganesha and Lakshmi, from the labels of its beer bottles, the Sydney Morning Herald reported Tuesday.