தற்கொலை எண்ணத்திற்கு சிகிச்சை பெற்ற ஜெர்மன்விங்ஸ் துணை விமானியின் காதலி கர்ப்பம்

By Siva

Published: Tuesday, March 31, 2015, 7:47 [IST]

Subscribe to Oneindia Tamil

பாரீஸ்: ஜெர்மன்விங்ஸ் விமானத்தை விபத்துக்குள்ளாக்கிய துணை விமானி லுபிட்ஸ் கர்ப்பமாக இருந்த தனது காதலியை திருமணம் செய்ய நினைத்துள்ளார்.

ஸ்பெயினில் இருந்து ஜெர்மனி சென்ற ஜெர்மன்விங்ஸ் விமானத்தை அதன் துணை விமானி ஆன்ட்ரியஸ் லுபிட்ஸ்(28) வேண்டும் என்றே விபத்துக்குள்ளாக்கினார். இந்நிலையில் அவர் விமானத்தை இயக்கும் உடல் தகுதியுடன் இல்லாமல் இருந்தது தற்போது தெரிய வந்துள்ளது.

மேலும் விசாரணையில் லுபிட்ஸ் பற்றி பல தகவல்கள் கிடைத்துள்ளன.

தற்கொலை எண்ணம்

லுபிட்ஸுக்கு சில ஆண்டுகளுக்கு முன்பு தற்கொலை எண்ணம் அடிக்கடி ஏற்பட்டதால் அவர் அதற்காக சிகிச்சை பெற்றுள்ளார்.

கனவு

லுபிட்ஸுக்கு விமானம் விபத்துக்குள்ளாவது போன்று அடிக்கடி கனவு வந்துள்ளது. அந்த கனவு வரும்போது எல்லாம் அவர் நாம் விழுகிறோம் என்று கூறி தூக்கத்தில் இருந்து அலறியடித்து எழுந்துள்ளார்.

காதலி

லுபிட்ஸ் பள்ளியில் ஆசிரியையாக இருக்கும் ஒரு பெண்ணை கடந்த 7 ஆண்டுகளாக காதலித்து வந்துள்ளார். தற்போது கர்ப்பமாக உள்ள காதலியை மணக்கவும் லுபிட்ஸ் திட்டமிட்டிருந்திருக்கிறார்.