சேரெல்லாம் ஓடுது... டேபிளெல்லாம் பாயுது.. பயந்து ஓடிய பெண்.. பதற வைத்தது யார்.. பேயா?
கோலாலம்பூர்: மலேசிய ஹோட்டல் ஒன்றில் சாப்பாட்டு அறையில் அமர்ந்த பெண் பயந்து அலறி ஓடுகிறார்.. கடைசியில் மயங்கி விழுகிறார்....ஏன்.. காரணம் பேய் என்கிறார்கள். இந்த வீடியோ தற்போது வைரல் ஆக பரவி வருகிறது.
அது ஒரு மலேசிய ஹோட்டல்... சாப்பாட்டு அறை.. நீளமாக டேபிள்.. நிறைய சேர்கள்.. அறையில் யாரும் இல்லை... ஒரு பெண் மட்டும் அமர்ந்திருக்கிறார்.
சேரில் உட்கார்ந்து, கால் மேல் கால் போட்டபடி போனில் பேசிக் கொண்டிருக்கிறார். அப்போது திடீரென அவருக்கு முன்னால் உள்ள பிளாஸ்டிக் "சரக்" என்று நகர்ந்து அவர் முன்னால் போகிறது.. ஷாக் ஆகி திகிலடித்துப் போன அவர் அப்படியே தாவிக் குதித்து ஓடி மூலையில் உள்ள டேபிளில் போய் நிற்கிறார். என்ன நடந்தது என்று அவருக்குத் தெரியவில்லை.
இதையடுத்து அங்கிருந்து தப்பி ஓட நினைத்து வேகமாக நகருகிறார். அப்போது அவருக்கு முன்னால் இருந்த பெரிய டேபிள் வேகமாக நகர்ந்து ஓடி அவரை மறிக்கிறது. கூடவே சில சேர்களும்.
அப்படியே ரிட்டர்ன் ஆகி ஓடி வரும் அப்பெண் தலை சுற்றி கீழே விழுந்து மயக்கமடைகிறார். சேர்கள், டேபிள்களின் ஓட்டம் நிற்கிறது.
இந்த வீடியோ எப்போது எடுக்கப்பட்டது என்பது தெரியவில்லை. என்ன நடந்தது என்பதும் தெரியவில்லை. இது உண்மையிலேயே பேயா அல்லது அந்தப் பெண்ணை பயமுறுத்த யாரேனும் செய்த விஷமச் செயலா என்றும் புரியவில்லை.
இப்போதைக்கு உலகைக் கலக்க வரும் பேய் வீடியோ இதுதான்.. நீங்களும் பார்த்துப் பயப்படுங்க.. வாங்க!