வில்லை எடு.. அம்பை தொடு.. பல்லை பிடுங்கு... சிறுமியின் அட்டகாச வீடியோ!

வாஷிங்டன்: அமெரிக்காவைச் சேர்ந்த சிறுமி ஒருவர் தனது பல்லைத் தானே வில்- அம்பு மூலம் பிடுங்கும் வீடியோ இணையத்தில் பரவி வருகிறது.

சிறுவயதில் அனைவருக்குமே பால் பற்கள் விழுந்து புதிய பற்கள் வளருவது இயல்பு தான். ஆட்டம் காணும் பற்களை அவ்வப்போது நாக்கால் தூக்கிப் பார்த்து பிடுங்க முயற்சிக்கும் முயற்சிகளையும் நாம் கடந்து தான் வந்துள்ளோம்.

ஆனால், அமெரிக்காவைச் சேர்ந்த 11வயது அலெக்ஸ் டேவிட்சன் என்ற சிறுமி, ஆடும் தனது பல்லை வித்தியாசமாக பிடுங்கியுள்ளார்.

வீடியோ...

இது வீடியோவாக பதிவு செய்யப்பட்டு இணையத்தில் பதிவேற்றம் செய்யப்பட்டுள்ளது. கடந்த சில தினங்களுக்கு முன்னர் பதிவேற்றம் செய்யப்பட்ட இந்த வீடியோவை இதுவரை 9 லட்சத்திற்கும் அதிகமாக மக்கள் பார்த்துள்ளனர்.

வில்- அம்பு- பல்...

இந்த வீடியோவில் சிறுமி ஒருவர் கையில் வில்லும் அம்பும் கொண்டு நிற்கிறார். அம்பின் மறுநுனி அவரது வாயில் உள்ள பல் ஒன்றுடன் இணைக்கப் பட்டுள்ளது.

காற்றில் பறந்த பல்...

சிறுமி அம்பை எய்ததும், வாயில் இருந்த பல்லும் சேர்ந்து காற்றில் பறக்கிறது. சிறுமி சந்தோஷமாக தனது நாக்கால், பல் விழுந்த இடத்தை தடவிப் பார்த்துக் கொள்கிறார்.

எச்சரிக்கை தேவை...

தானாக ஆடி கீழே விழுவது பற்களுக்கு நல்லது. மற்றபடி இத்தகைய முயற்சிகள் சிலசமயம் ஆபத்தில் முடியலாம். எனவே, இது போன்ற முயற்சியை மற்ற குழந்தைகள் செய்து பார்க்காமல் இருப்பது நல்லது.

English summary

One girl found a genius yet terrifying way to remove a loose tooth. Alexis Davidson, 11, of Aurora, Colorado used a slingbow to extract one of her baby teeth.