நியூயார்க் எம்பயர் ஸ்டேட் கட்டிடத்தில் பிரமாண்டமாக காட்சியளித்த காளி மாதா

நியூயார்க்: நியூயார்க் நகரில் உள்ள எம்பயர் ஸ்டேட் கட்டிடத்தில் காளி மாதாவின் புகைப்படம் பிரமாண்டமாக இருந்தது பலரின் கவனத்தையும் ஈர்த்துள்ளது.

அமெரிக்காவைச் சேர்ந்தவர் பிரபல புகைப்படக் கலைஞரும், ஆவணப்பட இயக்குனருமான லூயி சிஹோயோஸ். அவர் வனவிலங்குகள் வேகமாக அழிந்து வருவது குறித்து மக்களிடையே விழிப்புணர்வு ஏற்படுத்த நியூயார்க் நகரில் கலை கண்காட்சிக்கு ஏற்பாடு செய்திருந்தார்.

அந்த கண்காட்சியின் ஒரு பகுதியாக அவர் காளி மாதா கோபமாக பார்ப்பது போன்ற புகைப்படத்தை நியூயார்க் நகரில் உள்ள எம்பயர் ஸ்டேட் கட்டிடத்தில் பிரமாண்டமாக வெளிப்படுத்தினார். சாலையில் சென்றவர்கள் பிரமாண்ட காளி மாதாவின் புகைப்படத்தை பார்த்து வியந்தனர்.

அந்த புகைப்படத்தை ஆன்ட்ராய்ட் ஜோன்ஸ் என்பவர் வடிவமைத்திருந்தார். எம்பயர் ஸ்டேட் கட்டிடத்தில் கொல்லப்பட்ட சிசில் சிங்கம் உள்ளிட்ட பல விலங்குகளில் புகைப்படங்களும் காண்பிக்கப்பட்டன.

வனவிலங்குகளை பாதுகாக்க மக்கள் முன்வர வேண்டும் என்று வலியுறுத்தி இந்த கண்காட்சி நடத்தப்பட்டது.

English summary

A fierce portrait of goddess Kali was showcased on the empire state building in New York to create awareness of massive wildlife extinction.