19ஆவது ஆண்டுவிழாவை கோலாகல விளையாட்டுக்களுடன் கொண்டாடும் கூகுள்!
கூகுள் தேடு பொறி தன் 19ஆவது ஆண்டுவிழாவை நிறைய டூடுள் விளையாட்டுக்களை உருவாக்கி கொண்டாடுகிறது.
கலிபோர்னியா: கூகுள் தேடுபொறி தன் 19ஆவது ஆண்டுவிழாவை கொண்டாடிவருகிறது. அதற்காக 19 விதமான விளையாட்டு டூடுள்களை உருவாக்கியுள்ளது.
கூகுள் தேடுபொறி 1998ஆம் ஆண்டு உருவாக்கப்பட்டது. இன்றைய தலைமுறைக்கு மட்டுமல்ல, போன தலைமுறைக்கும் கூகுள் தங்கள் வாழ்வின் ஒரு பகுதியாக மாறிவிட்டது.
19-வது ஆண்டு விழா
இன்று கூகுள் தன் 19ஆவது ஆண்டுவிழாவை உற்சாகமாகக் கொண்டாடுகிறது. அதற்காக, ஸ்பெஷல் டூடுளை உருவாக்கியுள்ளது.
விளையாட்டுகள்
அதில் வானவில் போன்ற 'லோகோ'வில் 1998-ல் கூகுள் நிறுவனம் முதன்முதலில் அறிமுகப்படுத்திய விளையாட்டு முதல் தற்போது வரை அறிமுகப்படுத்திய விளையாட்டு வரை நம்மை ஆச்சர்யப்படுத்தும் வகையில் கோர்த்துள்ளனர்.
பாம்பு விளையாட்டு
கூகுள் பாம்பு விளையாட்டு பெரும்பாலானவர்களுக்கு நினைவில் இருக்கலாம். தற்போது உருவாக்கப்பட்டுள்ள 'லோகோ'வில் பாம்பு விளையாட்டு, 'டிக்-டேக்-டோ', 'எர்த் டே க்விஸ்', 'பேக் மேன்' உள்ளிட்ட பல விளையாட்டுகள் உள்ளன.
சுந்தர் பிச்சை
ஒருமுறை விளையாடிப் பார்க்கலாமே என்று ஆசைப்படுகிறவர்கள் விளையாடிப் பார்க்கலாம். கூகுள் தன் 19ஆவது ஆண்டு விழாவைக் கொண்டாடும் நேரத்தில் அதன் தலைமை செயல் அதிகாரியாக தமிழகத்தைச் சேர்ந்த சுந்தர் பிச்சை பதவி வகிக்கிறார் என்பது தமிழர்களுக்குப் பெருமை!