பறக்கும் ஹீலியம் பலூன்கள் மூலம் இணைய சேவை - இந்தோனேஷியாவில் தொடங்குகிறது கூகுள்!

ஜகர்த்தா: இந்தோனேஷியா முழுவதும் கிட்டதட்ட 20,000 ஹீலியம் பலூன்கள் மூலம் இன்டர்நெட் சேவையை கூகுள் நிறுவனம் தொடங்க திட்டமிட்டுள்ளது.

இந்தோனேஷியாவில் இன்டர்நெட் வசதியை மேம்படுத்தும் வகையில் "ப்ராஜெக்ட் லூன்" என்ற இத்திட்டத்தின் கீழ் தரை மட்டத்திலிருந்து 60 ஆயிரம் அடி உயரத்தில் பலூன்கள் பறக்கவிடப்பட உள்ளது.

இதன் மூலம் இந்தோனேஷியாவின் மூலை முடுக்கிலும், 17,500 சிறிய தீவுகளிலும் வசிக்கும் மக்கள் இணையதள வசதி பெறுவார்கள் என்று எதிர்பார்க்கப்படுகிறது.

இந்தோனேஷியாவில் உள்ள சில முன்னணி தொலை தொடர்பு நிறுவனங்களுடன் கூட்டுசேர்ந்து இன்டர்நெட் வசதி சென்ற சேர வாய்ப்பில்லாத இடங்களில் பலூன்கள் மூலம் அதைத் தரும் திட்டத்தை கூகுள் செயல்படுத்தி வருகிறது.

English summary

Indonesia is the latest country to sign up for Google’s Loon, an experimental project that aims to bring free internet to people in remote rural areas using giant balloons floating in the stratosphere.