ஹாலிவுட் ஸ்டார்களை விட செமையாக சம்பாதிக்கும் கோவக்கார பூனை... டார்டார் சாஸ்!

அரிசோனா: அமெரிக்காவில் உள்ள ஒரு பூனை பல ஹாலிவுட் பிரபலங்களை விட அதிகம் சம்பாதிக்கிறது.

அமெரிக்காவின் அரிசோனா மாநிலத்தைச் சேர்ந்தவர் தபதா பன்டென்சன்(29). ஹோட்டலில் பணிப்பெண்ணாக இருந்த அவர் வளர்ச்சி குறைபாடுள்ள பூனை ஒன்றை தத்தெடுத்தார். டார்டார் சாஸ் என்று பெயர் வைக்கப்பட்டுள்ள அந்த பூனையை வீடியோ எடுத்து அவர் ரெட்டிட் மற்றும் யூடியூப்பில் 2012ம் ஆண்டு வெளியிட்டார். அதில் இருந்து அந்த பூனை மிகவும் பிரபலம் ஆகிவிட்டது.

பார்க்க கோபத்தில் இருப்பது போன்று தெரியம் அந்த பூனை விளம்பரங்கள், புத்தகங்கள், ஏன் ஒரு படத்தில் கூட நடித்துவிட்டது. கடந்த 2 ஆண்டுகளில் அந்த பூனை 100 மில்லியன் அமெரிக்க டாலர் சம்பாதித்துள்ளது.

ஹாலிவுட் நடிகைகள் நிக்கோல் கிட்மேன், காமரூன் டயஸ், நடிகர் மேட் டாமன், ஆஸ்கர் விருது பெற்ற மேத்யூ மெக்கன்னாகியை விட இந்த பூனை அதிகம் சம்பாதித்துள்ளது. மேலும் பிரபல கால்பந்து வீரர் கிறிஸ்டியானா ரொனால்டோவின் இந்த ஆண்டு வருமானம் 27.1 மில்லியன் டாலர் தான். ஆனால் பூனையின் வருமானம் அதை விட அதிகம் உள்ளது. இவ்வளவு சம்பாதித்தாலும் டார்டர் எப்பொழுதும் உர்ரென்று முகத்தை வைத்துள்ளது.

டார்டரை பிரபலமாக்கி கோடிக் கணக்கில் சம்பாதிக்க வைத்த பெருமை அதன் மேனேஜரான பென் லாஷஸை சேரும் என்பது குறிப்பிடத்தக்கது.

English summary

A grumpy cat named Tardar Sauce has made $100 million in the last 2 years which is more than many Hollywood stars' income.