யு.எஸ்.: துப்பாக்கி கலாச்சாரத்திற்கு ஆதரவான பெண்ணை சுட்ட 4 வயது மகன்
புளோரிடா: அமெரிக்காவின் புளோரிடா மாநிலத்தில் 4 வயது சிறுவன் தனது தாயை துப்பாக்கியால் சுட்டுள்ளார்.
அமெரிக்காவின் புளோரிடா மாநிலத்தில் உள்ள ஜாக்சன்வில் பகுதியைச் சேர்ந்தவர் ஜேமி ஜில்ட்(31). அவர் துப்பாக்கி கலாச்சாரத்திற்கு ஆதரவாக ஃபேஸ்புக்கில் குரல் கொடுத்து வருகிறார்.
கடந்த செவ்வாய்க்கிழமை மதியம் அவர் தனது டிரக்கில் குதிரை வாங்க கிளம்பினார். டிரக்கின் பின் இருக்கையில் தனது 4 வயது மகனை அமர வைத்திருந்தார். வாகனத்தில் துப்பாக்கி அதுவும் தோட்டாக்களுடன் இருந்தது.
ஜேமி டிரக்கை ஓட்ட அவரது மகன் கையில் அந்த துப்பாக்கி கிடைத்தது. சிறுவன் துப்பாக்கியை எடுத்து அழுத்த குண்டு சீட்டை துளைத்துக் கொண்டு ஜேமியின் முதுகில் பாய்ந்தது. குண்டு பாய்ந்த பிறகு அவர் டிர்க்கை தாறுமாறாக ஓட்ட அதை பார்த்து ஒரு போலீஸ்காரர் அங்கு வந்தார்.
Got to play with my new toy today! Time to clean it! pic.twitter.com/1lkYo8b3sh
— jamie gilt (@jamiegilt) January 24, 2015
டிரக் நின்ற பிறகு தான் ஜேமிக்கு குண்டடிபட்டிருந்தது தெரிய வந்தது. உடனே ஜேமி அருகில் உள்ள மருத்துவமனையில் அனுமதிக்கப்பட்டார். அவரது மகன் உறவினர்களின் பொறுப்பில் விடப்பட்டுள்ளார்.
தனது துப்பாக்கியை சுத்தம் செய்ய தற்போது தான் நேரம் கிடைத்தது என்று ஜனவரி 24ம் தேதி ஜேமி ட்விட்டரில் தெரிவித்திருந்தார். தற்போது சிறுவன் கையில் கிடைத்த துப்பாக்கி அது தானா என்பது தெரியவில்லை.
Click it and Unblock the Notifications
Sign in with Google