மழை மழை... துபாய் மற்றும் அமீரகத்தில் நல்ல மழை

By Siva

Published: Friday, November 22, 2013, 12:30 [IST]

Subscribe to Oneindia Tamil

துபாய்: துபாய் மற்றும் அமீரகத்தின் பல்வேறு பகுதிகளில் நேற்று நல்ல மழை பெய்தது.

துபாய், அபுதாபி, ஷார்ஜா, அஜ்மான், உம்முல் குவைன், ராசல் கைமா, ஃபுஜைரா, அல் அய்ன், ருவைஸ் உள்ளிட்ட அமீரகத்தின் பல்வேறு பகுதிகளில் நேற்று காலை மழை பெய்தது.

அமீரகத்தின் பல்வேறு பகுதிகளிலும் மேகமூட்டமாகவே இருந்து வருகிறது.

சனிக்கிழமை வரை

சனிக்கிழமை காலை வரை வானம் மேக மூட்டமாகவே இருக்கலாம் என்றும், மழை பெய்யக்கூடும் என்றும் வானிலை ஆய்வு மையம் தெரிவித்துள்ளது. அமீரகத்தில் உள்ள ருவைஸ் மற்றும் எல்லைப் பகுதிகளில் கடும் இடியுடன் கூடிய மழை பெய்துள்ளது.

மெதுவாக செல்லுங்கள்

மோசமான காலநிலை நிலவுவதால் மக்கள் யாரும் கடலுக்குச் செல்ல வேண்டாம் என கேட்டுக் கொள்ளப்பட்டுள்ளனர். மேலும் வாகன ஓட்டிகள் வாகனத்தின் வேகத்தை குறைத்துச் செல்ல காவல்துறை அறிவுறுத்தியுள்ளது.

போக்குவரத்து நெரிசல்

மழையின் காரணமாக அமீரகத்தின் பல்வேறு பகுதிகளிலும் போக்குவரத்து நெரிசல் மிகுந்து காணப்பட்டது. நெடுஞ்சாலைகளில் வெளிச்சம் குறைந்து காணப்பட்டதால் வாகன ஓட்டிகள் மிகவும் சிரமப்பட்டனர்.