திடீரென திருமணத்தை நிறுத்திய மாப்பிள்ளை... 120 ஏழைகளுக்கு ஸ்டார் ஹோட்டலில் விருந்து வைத்த மணமகள்!

கலிபோர்னியா: கடைசி நேரத்தில் மணமகன் திருமணத்தை நிறுத்தியதால், திருமணத்திற்காக ஸ்டார் ஹோட்டலில் ஏற்பாடு செய்திருந்த விருந்தை வீணாக்காமல், அவற்றை ஏழை மக்களுக்கு அளித்து பலரது பாராட்டுக்களைப் பெற்றுள்ளார் அமெரிக்கப் பெண் ஒருவர்.

அமெரிக்காவின் கலிபோர்னியாவை சேர்ந்தவர் குய்ன். இவருக்கு நேற்று திருமணம் நடைபெறுவதாக இருந்தது. அதற்காக பல லட்ச ரூபாய் செலவில் ஒரு 4 ஸ்டார் ஹோட்டலில் விருந்திற்கான அனைத்து ஏற்படுகளும் செய்யப்பட்டிருந்தது.

ஆனால், கடைசி நேரத்தில் திடீரென திருமணத்தை நிறுத்தி விட்டார் மணமகன். இதனால் மணமகள் வீட்டார் அதிர்ச்சி அடைந்தனர். ஆனால், திருமணத்திற்காக ஏற்பாடு செய்திருந்த விருந்தை அவர்கள் வீணாக்க விரும்பவில்லை.

உடனடியாக அந்நகரத்தில் வீடில்லாமல் வாடும் 120 ஏழைகளை அழைத்து வந்தனர். அவர்களுக்கு 4 ஸ்டார் ஹோட்டலில் திருமண விருந்து அளித்தனர். விருந்தை சாப்பிட்டவர்கள் மணமகளையும், அவரது தாயாரையும் மனதார வாழ்த்திச் சென்றனர்.

மணப்பெண் மற்றும் அவரது அம்மாவின் இந்த செயல் சமூகவலைதளங்களில் பலரது பாராட்டுகளைப் பெற்றுவருகிறது.

English summary

In America, When a groom got cold feet and called off his wedding, the bride's family decided to make the best out of a heart-breaking situation.