அதிபர் தேர்தல்: ஹிலாரியை பிரபலமாக்க தீயாக வேலை செய்யும் குமார்கள்
நியூயார்க்: அதிபர் தேர்தலில் போட்டியிடுவது குறித்து ஹில்லாரி கிளிண்டன் அறிவிப்பு வெளியிடாத நிலையில் அவரை பிரபலமாக்கும் வேலையில் சிலர் இறங்கியுள்ளனர்.
பெண் அதிபரை பார்க்க உங்களுக்கு ஆசை இல்லையா என்று முன்னாள் அமெரிக்க வெளியுறவுத் துறை அமைச்சர் ஹில்லாரி கிளிண்டன் அண்மையில் அமெரிக்க மக்களை கேட்டிருந்தார். அவர் அதிபர் தேர்தலில் போட்டியிடுவது பற்றி இன்னும் எந்தவித அறிவிப்பும் வெளியிடவில்லை. ஆனால் அவரை அதிபர் வேட்பாளராக நினைத்து அவரை பிரபலமாக்கும் முயற்சியில் ப்ரூக்ளின் நகரைச் சேர்ந்த டிசைனர்கள் இறங்கியுள்ளனர்.
அவர்கள் துவங்கியுள்ள பிரச்சாரம் மூலம் இதுவரை ரூ. 9 லட்சத்து 39 ஆயிரத்து 735 நிதி திரட்டப்பட்டுள்ளது. ரூ.940 நன்கொடை அளிப்பவர்களுக்கு அந்த டிசைனர்களின் எப்சிடிஆர்ஒய் ஸ்டுடியோ வடிவமைத்துள்ள நீல நிற ஆடை அணிந்திருக்கும் ஹில்லாரி பொம்மை அளிக்கப்படும். மேலும் ரூ. 2 ஆயிரத்து 500 நன்கொடை அளிப்பவர்களுக்கு ரன் ஹில்லாரி ரன் என்ற வாசகம் அடங்கிய டி-சர்ட் அளிகக்ப்படும்.
இந்த பிரச்சாரம் மூலம் ரூ.37 லட்சம் நிதி சேர்ந்தால் ரோஸ் கலர் ஹில்லாரி பொம்மையை தயாரித்து வழங்கவும் அவர்கள் திட்டமிட்டுள்ளனர். எப்சிடிஆர்ஒய் ஸ்டியோ முன்னதாக கடந்த 2008ம் ஆண்டு அமெரிக்க அதிபர் ஒபாமாவின் பொம்மையை வடிவமைத்து வெளியிட்டது என்பது குறிப்பிடத்தக்கது.
Click it and Unblock the Notifications
Sign in with Google