இந்துவாக இருந்தாலும் நானும் பாகிஸ்தானியே... இம்ரான் கான் கட்சி எம்.பி அதிரடி

இஸ்லாமாபாத்: இந்து மற்றும் பசுவை வழிபடுபவர் என்ற தன் மீதான தொடர் விமர்சனங்களுக்கு பாகிஸ்தான் நாடாளுமன்றத்தில் தக்க பதிலடி கொடுத்துள்ளார் அந்நாட்டு எம்.பி.யான லால் மால்ஹி.

இம்ரான் கானின் பாகிஸ்தான் தெஹ்ரிக் ஐ இன்சாப் கட்சியைச் சேர்ந்தவர் லால் மால்ஹி. எம்.பி.யான இவரை, கடந்த சில தினங்களுக்கு முன்னர் நாடாளுமன்றக் கூட்டத்தில் வைத்து மற்றக் கட்சி எம்.பி.கள் கடுமையாக விமர்சித்தனர். அதாவது இந்துவான மால்ஹியை பசுவை வழிபடுபவர் என அப்போது அவர்கள் கூறினர்.

இதற்கு பதிலளித்த மால்ஹி, ‘தேச பக்தி என்பது அவரது மதத்தைச் சார்ந்தது இல்லை. பாகிஸ்தானில் வாழும் இந்துக்களும் பாகிஸ்தானியர்களே' எனத் தெரிவித்துள்ளார்.

பாகிஸ்தானில் சுமார் 40 லட்சம் இந்துக்கள் வாழ்ந்து வருகின்றனர். 2000ம் ஆண்டு வரை இந்துக்கள் பாகிஸ்தான் ராணுவத்தில் சேர்ந்து பணியாற்ற தடை விதிக்கப் பட்டிருந்தது. முஸரப் ஆட்சிக் காலத்தில் தான் இந்த முறை மாற்றப் பட்டது குறிப்பிடத்தக்கது.

English summary

Fed up with repeatedly being called Hindu and cow worshiper, an MP in Pakistan gave a befitting reply in Pakistan parliament, media reported.