உலகம் முழுவதும் அதிகரிக்கும் “சூடு”- இனி எல்லாம் "ஹீட்டே"!

வாஷிங்டன்: அதி வெப்பமான ஆண்டுகளை நோக்கி பூமி சென்று கொண்டிருப்பதாக அமெரிக்க தேசிய கடல் மற்றும் வானிலை நிர்வாக அமைப்பு எச்சரித்துள்ளது.

கடந்த 1880 ஆம் ஆண்டுக்குப் பிறகு 7 ஆவது அதி வெப்ப மாதமாக கடந்த நவம்பர் அமைந்துள்ளது. உலகின் நிலப்பகுதி மற்றும் கடல் மேற்பரப்பு ஆகியவை இணைந்த சராசரி வெப்ப அளவு நவம்பர் மாதம் 2008 ஆம் ஆண்டுடன் சமநிலையை அடைந்துள்ளது. அதாவது 20 ஆம் நூற்றாண்டு சராசரியை விட 0.65 டிகிரி அதிகமாக நவம்பரில் பதிவாகியுள்ளது.

கடந்த 11 மாதங்களில் சராசரி வெப்பநிலை அதிகமாக பதிவாகியுள்ளது. அதாவது முன்பை விட இந்த 11 மாதங்களில் சராசரி வெப்ப நிலை அளவு அதிகமாகியுள்ளது.

20ஆம் நூற்றாண்டு சராசரியைக் காட்டிலும் நடப்பு டிசம்பர் மாதம் குறைந்தபட்சமாக 0.42 டிகிரி செல்சியஸ் அதிகமானால் போதும், 2014ஆம் ஆண்டு அதிக வெப்ப நிலை கொண்ட ஆண்டாக பதிவாகிவிடும் என்று இந்த அமெரிக்க ஆய்வு தெரிவித்துள்ளது.

சராசரி வெப்பநிலை அதிகரித்தால் நிலநடுக்கங்களுக்கான வாய்ப்புகளும் அதிகரிக்கும் என்று ஏற்கெனவே விஞ்ஞானிகள் கூறியிருப்பது குறிப்பிடத்தக்கது.

English summary

2014 is set to be warmest year on record and greenhouse gas emissions played a major role new research shows.