நேத்து உங்க "வீடு" சைஸ்ல ஒரு ஆஸ்டிராய்ட் பூமியைக் கடந்து போச்சே நீங்க பார்த்தீங்களா பாஸ்!

லண்டன்: ஒரு வீட்டின் அளவுக்கு ஒரு ஆஸ்டிராய்ட், பூமியைக் கடந்து சென்றதாக நாசா தெரிவித்துள்ளது.

இந்த ஆஸ்டிராய்ட், 60 அடி நீளம் கொண்டதாக இருந்ததாம். ஞாயிற்றுக்கிழமை இது பூமியைக் கடந்து போயுள்ளது.

இந்த ஆஸ்டிராய்டுக்கு 2014 ஆர்சி என்று பெயர். இது நியூசிலாந்துக்கு மேலே பூமியிலிருந்து 40,000 கிலோமீட்டர் உயரத்தில் பூமியைக் கடந்துள்ளது. ஆனால் இந்த ஆஸ்டிராய்ட் பூமியைக் கடந்தபோது பூமிக்கு எந்த ஆபத்தும் நேரவில்லை.

பூமியை நெருங்கி வந்த இந்த ஆஸ்டிராய்டை ஆகஸ்ட் 31ம் தேதிதான் முதலில் விஞ்ஞானிகள் பார்த்துள்ளனர்.

இந்த ஆஸ்டிராய்டால் பூமிக்கோ அல்லது விண்வெளியில் சுற்றிக் கொண்டிருக்கும் ஆயிரக்கணக்கான செயற்கைக் கோள்களுக்கோ எந்த ஆபத்தும் இல்லையாம். அதேசமயம், ஆஸ்டிராய்டுகள் குறித்த ஆய்வுக்கு இந்த 2014 ஆர்சியின் பூமியைக் கடந்த செயல் சற்று உதவியுள்ளதாம்.

ஆஸ்டிராய்ட் என்பது சிறிய ரக கோள்களாகும்.

English summary

NASA has reported that a 60-feet asteroid about the size of a normal house sailed past Earth Sunday. The asteroid named 2014 RC passed over New Zealand at a close distance of 40,000 km from earth but posed no threat to the Earth. “The asteroid that flew past earth was first discovered Aug 31 and, at its closest approach, was about one-tenth of the distance from the centre of Earth to the Moon,” NASA said in a statement.