மனைவியை எதைக் கொண்டு அடிக்கலாம்?... டெமோ காட்டிய சவூதி நபரால் பரபரப்பு

Updated: Sunday, May 15, 2016, 17:36 [IST]

Subscribe to Oneindia Tamil

ரியாத்: சவூதி அரேபியாவைச் சேர்ந்த ஒரு நபர் மனைவியை எப்படி அடிக்க வேண்டும். எதை வைத்து அடிக்கலாம், எதை வைத்து அடிக்கக் கூடாது என்று வீடியோவில் விளக்கிக் காட்டியது பலத்த சர்ச்சையை ஏற்படுத்தியுள்ளது.

அதை விட கொடுமை, அந்த வீடியோக் காட்சி, சவூதி அரேபியாவின் தேசிய டிவி சானலில் ஒளிபரப்பானதுதான். இதுகுறித்து ஏடபிள்யூடி என்ற செய்தி இணையதளம் செய்தி போட்டுள்ளது.

அதில், வாஷிங்டனைச் சேரந்த மத்திய கிழக்கு மீடியா ஆய்வுக் கழகம் இந்த வீடியோக் காட்சியை அமெரிக்காவில் ஒளிபரப்பியதைத் தொடர்ந்து இந்த கொடுமைக்கார நிகழ்ச்சி குறித்து வெளியுலகுக்குத் தெரிய வந்தது.

இந்த வீடியோவை சவூதி அரசும் அனுமதித்து அதன் பின்னரே அந்த நாட்டின் தேசிய டிவி சானலில் இது ஒளிபரப்பாகியது. அந்த நபரின் பெயர் காலித் அல் சக்பி. இவர் பேமிலி தெரப்பிஸ்ட்டாம். தற்போது இந்த வீடியோ யூடியூபிலும் கிடைக்கிறது.

அதில் அந்த நபர், ‘மனைவியை அடிப்பது என்பது சர்ச்சையாக பேசப்படுகிறது. ஆனால் அதை கடவுள் விரும்புகிறார். கடவுள் விருப்பம் அது. எனவே இந்தத் தடைகளை தாண்டி மனைவியை அடிப்பதை நாம் தொடர வேண்டும்.

மனைவியை அடிப்பதற்குத் தேவையான இஸலாமியச் சூழலை நாம உருவாக்க வே ண்டியது அவசியம். கோபத்தைக் காட்ட யாரும் மனைவியை அடிப்தபில்லை. மாறாக மனைவியை ஒழுங்கோடு இருக்க உறுதி செய்வதற்காகவே அடிக்கிறோம்.

அதேசமயம், கைக்குட்டை அல்லது சாதாரண பொருட்களை வைத்து மட்டுமே மனைவியை அடிக்க வேண்டும். மாறாக கூரிய பொருட்களை வைத்து அடிக்கக் கூடாது. மனைவியை அடிப்பதற்கு முன்பு அது அல்லா நமக்களித்த கடமை, என்பதை மனைவியிடம் கணவர்கள் சொல்லி விளக்க வேண்டும்' எனத் தெரிவித்துள்ளார்.