பிரபல பிளே பாய் இதழின் நிறுவனர் ஹியூக் ஹெஃப்னர் மரணம்!

பிரபல 'பிளே பாய்' இதழ் நிறுவனர் ஹியூக் ஹெஃப்னர் காரணமாக காலமானார். அவருக்கு வயது 91.

லாஸ் ஏஞ்சல்ஸ்: பிரபல 'பிளே பாய்' இதழ் நிறுவனர் ஹியூக் ஹெஃப்னர் வயது முதிர்வு காரணமாக காலமானார். அவருக்கு வயது 91.

1926ஆம் ஆண்டு சிகாகோவில் பிறந்தார் ஹியூக் ஹெஃப்னர். அவரது பெற்றோர் இரண்டாம் உலகப் போரின் போது அமெரிக்க ராணுவத்தில் பணிபுரிந்தனர்.

ஹியூக் ஹெஃப்னர் இல்லினாய்ஸ் பல்கலைக்கழகத்தில் தனது இளங்கலை படிப்பை முடித்தார். இதைத்தொடர்ந்து காப்பி ரைட்டராக எஸ்கொயர் எஸ்கொயர் பத்திரிக்கையில் பணியாற்றினார்.

பாலியல் இதழ்

பின்னர் 1953-ம் ஆண்டு அமெரிக்காவில் 'பிளே பாய்' இதழை நிறுவினார் ஹியூக் ஹெஃப்னர். பாலியல் கலாச்சாரத்தை விளக்கும் வகையில் இந்த இதழ் அமைந்திருந்தது.

முதல் பிரதியே..

இவரது முதல் பதிப்பே 50,000 காப்பிகளுக்கு மேல் விற்பனையானது.
இதன்மூலம் மிக பிரபலமானார் ஹியூக் ஹெஃப்னர். மேலும் அமெரிக்கன் ஐகான் என்றும் அழைக்கப்பட்டார்.

சமூக சேவகர் ஹெஃப்னர்

ஒரு பத்திரிகையாளராக மட்டுமின்றி சிறந்த வர்த்தகராகவும், சமூக சேவகராகவும் ஹெஃப்னர் திகழ்ந்தார். தற்போது 20 நாடுகளில் பிளேபாய் இதழ் விற்பனை செய்யப்படுகிறது.

வயது முதிர்வால் மரணம்

இந்நிலையில் கலிஃபோர்னியா மாகாணம் லாஸ் ஏஞ்சலெஸ் நகரில் உள்ள ஹெஃப்னரின் பிளேபாய் மேன்ஷன் வீட்டில் நேற்றிரவு அவர் காலமானார். வயது முதிர்வு காரணமாக இரவு உயிர் பிரிந்தது.

பிரபலங்கள் இரங்கல்

இது இயற்கையான மரணம் என பிளேபாய் நிறுவனம் சார்பில் வெளியிட்டுள்ள அறிக்கையில் தெரிவிக்கப்பட்டுள்ளது. அவரது மறைவிற்கு பத்திரிகையாளர்கள், அரசியல் மற்றும் திரையுலக பிரபலங்கள் இரங்கல் தெரிவித்து வருகின்றனர்.

English summary

Hugh Hefner the founder of Playboy magazine, has died aged 91. Hefner, who founded the sexually explicit men’s lifestyle magazine in 1953, died at his home, the Playboy Mansion in Holmby Hills, Los Angeles, the publication announced.