ஆளுயுர "ஏ" பொம்மை.. அப்படியே ஆட்டையைப் போட்ட திருடனுக்கு வலைவீச்சு!

ஆஸ்திரேலியாவில் ஆளுயுர செக்ஸ் பொம்மையை மர்மநபர் திருடிச் சென்றுவிட்டதால் அவரை போலீஸார் தேடி வருகின்றனர்.

சிட்னி : ஆஸ்திரேலியாவின் பிரபலமான செக்ஸிலாண்ட் என்ற செக்ஸ் பொம்மைகள் விற்கும் கடையில் டோரத்தி செக்ஸ் பொம்மையை மர்மநபர்கள் திருடிச் சென்றுவிட்டனர். இது இந்திய மதிப்பில் சுமார் ரூ.2.22 லட்சமாகும்.

சிறுவர்களுக்கான விளையாட்டு சாமான்கள், பொம்மைகள் விற்பனை செய்யும் கடைகள் குக்கிராமம் முதல் வெளிநாடுகள் வரை இருப்பதை நாம் கண்டிருக்கிறோம். என்ன! பெயர்தான் மாறியிருக்கும்.

ஆனால் பெரியவர்களுக்கான கடை உள்ளதை கண்டுள்ளீர்களா? ஆம். ஆஸ்திரேலியாவில் செக்ஸிலாண்ட் என்ற கடை உள்ளது. இங்கு ஆண்கள் மற்றும் பெண்களுக்கான தனிப்பட்ட அந்தரங்க உபகரணங்கள் விற்பனை செய்யப்படுகின்றன.

என்ன பொருள்கள்

இங்கு பெரியவர்களுக்கான செக்ஸ் பொம்மைகள், உள்ளாடைகள் நிறைந்திருக்கும். வைப்ரேட்டர்கள், செக்ஸ் உணர்ச்சியை தூண்டும் கருவிகள் உள்ளிட்ட
ஆண், பெண் துணையில்லாத மகிழ்ச்சியான வாழ்க்கைக்கு தகுந்த அனைத்து விதமான பொருள்களும் இங்கு கிடைக்கும்.

ஆளுயர பொம்மை

இந்த கடையின் சிறப்பம்சமே ஆளுயர செக்ஸ் பொம்மைகள்தான். இதன் பெயர் டோரத்தி ஆகும். சிலிக்கான் ரப்பரால் செய்யப்பட்ட இந்த பொம்மைகள் பார்ப்பதற்கு பெண்களை போன்றே இருக்கும். குழந்தைப் பிறப்பை தவிர ஆணின் அத்தனை தேவைகளையும் இது பூர்த்தி செய்யும். இந்த பொம்மையின் மதிப்பு இந்திய விலையில் ரூ.2.22 லட்சம் ஆகும்.

ஐடியா கொடுக்கும் நிபுணர்கள்

இந்த கடைக்கு நேரில் வரமுடியாதவர்கள், வரத் தயங்குபவர்கள் ஆன்லைனிலும் ஷாப்பிங் செய்யலாம். வாடிக்கையாளர்களின் தேவைக்கேற்ப ஆலோசனைகளை கடையில் உள்ள நிபுணர்கள் வழங்குவர்.

செக்ஸ் பொம்மை திருட்டு

இந்த கடைக்கு வெள்ளை நிற வேனில் ஞாயிற்றுக்கிழமை அதிகாலை வந்த திருடன் கடைக்குள் செல்ல சில ஆயுதங்களை வைத்து பாதுகாப்பு அம்சங்களை உடைத்தெறிந்து உள்ளே சென்று 5 அடி 5 அங்குலம் அளவிலான டோரத்தி செக்ஸ் பொம்மையை திருடிக் கொண்டு சென்றுவிட்டான்.

முகமூடி அணிந்த திருடன்

சுமார் ரூ.2.22 லட்சம் மதிப்புள்ள பொம்மையை திருடிச் சென்றது குறித்து அதிர்ச்சி அடைந்த கடைக்காரர் போலீஸில் புகார் அளித்துள்ளார். அங்கிருந்த சிசிடிவி காட்சிகளை ஆராய்ந்த போலீஸார் முகமூடி அணிந்துள்ள திருடனின் புகைப்படத்தை வெளியிட்டுள்ளனர்.

English summary

Police in Australia are hunting a burglar who stole a life-sized sex doll called 'Dororthy' from an adult shop.