"நான் மோடி.. நீங்க மோரி".. ஜப்பானில் நரேந்திர மோடி கலகல!
கியோட்டோ: ஜப்பானில் சுற்றுப்பயணம் மேற்கொண்டுள்ள பிரதமர் நரேந்திர மோடி, அங்குள்ள பழமையான கின்ககு ஜி கோவிலுக்குச் சென்றபோது அங்கிருந்த 83 வயது பூசாரியிடான யாசு நகமோரியிடம், நான் மோடி, நீங்க மோரி என்று ஜாலியாகப் பேசி அவரை கலகலப்பாக்கினார்.
மோடியின் பதிலைக் கேட்டு மோரிக்கும் சிரிப்பு தாங்க முடியவில்லை. பெரும் மகிழ்ச்சியுடன் மோடி சொன்னதை ஆமோதித்தார்.
மோடிதான் அந்தக் கோவிலின் தலைமைப் பூசாரி ஆவார். நான்கு நாட்கள் ஜப்பான் பயணத்தில் உள்ளார் மோடி. 2வது நாளா இன்று அவர் கியோட்டோவில் உள்ள இந்தக் கோவிலுக்கு விஜயம் செய்தார்.
வெள்ளை நிற குர்தா, பைஜாமா, ஜாக்கெட்டில் கோவிலுக்கு வந்திருந்தார் மோடி. மேலும் அங்கு வந்த சுற்றுலாப் பயணிகளிடமும் தானாகவே சென்று சகஜமாகப் பேசினார். கூட்டத்தைப் பார்த்துக் கையசைத்தார். கோவிலில் மனமுருக பிரார்த்தனையும் செய்தார்.
கோவிலுக்குச் சென்ற மோடியுடன், ஜப்பான் பிரதமர் ஷின்ஸோ அபேயும் உடன் வந்திருந்தார். வழக்கமாக ஜப்பானுக்கு வரும் வெளிநாட்டுத் தலைவர்களை டோக்கியோவில் மட்டுமே பிரதமர் சந்திப்பது வழக்கம். ஆனால் மோடிக்காக டோக்கியோவை விட்டு வெளியே வந்துள்ளார் அபே என்பது குறிப்பிடத்தக்கது.
புத்த மத பாரம்பரியத்தை கட்டிக் காக்கும் நகரம்தான் கியோட்டோ என்பது குறிப்பிடத்தக்கது.
Click it and Unblock the Notifications
Sign in with Google