அமெரிக்க மாகாண நீதிபதியாக இந்தியரான மனிஷ் ஷா நியமனம்

வாஷிங்டன்: அமெரிக்க வாழ் இந்தியரான மனிஷ் ஷா இலினோயிஸ் மாகாண பெடரல் நீதிபதியாக நியமிக்கப்பட்டுள்ளார்.

நீதிபதியை தேர்ந்தெடுப்பது தொடர்பாக அமெரிக்க செனட்டில் நடைபெற்ற வாக்கெடுப்பில் மொத்தமுள்ள 95 உறுப்பினர்களும் ஒருமனதாக மனிஷ் ஷாவை நீதிபதியாக தேர்ந்தெடுக்க ஒப்புதல் அளித்தனர்.

சிகாகோவிலுள்ள அமெரிக்க அட்டார்னி அலுவலகத்தில் பல முக்கிய பொறுப்புகளை வகித்தவர் என்ற முறையிலும், அனுபவமிக்க வழக்கறிஞர் என்ற வகையிலும், இவருக்கு அமோக ஆதரவு அளிக்கப்பட்டது.

நியூயார்க்கில் பிறந்த ஷா, தற்போது கிரிமினல் டிவிஷன் தலைவராக பொறுப்பு வகித்துவருகிறார். இதற்கு முன்பு அவர், பொருளாதார குற்றங்கள் மற்றும் சிறப்பு விசாரணை பிரிவின் துணை தலைவராகவும், பொது குற்றப்பிரிவிலும் அவர் துணை தலைவராக பதவி வகித்து அனுபவம் மிக்கவர்.

சிகாகோ சட்டப்பள்ளி பலைக்கலைக்கழகத்தில் பட்டப்படிப்பை முடித்த மனிஷ் ஷாதான் இலினோயிஸ் மாகாண நீதிமன்றத்தில் பணியாற்றப்போகும் தெற்காசியாவை சேர்ந்த முதல் நீதிபதி என்ற பெருமையை பெறுகிறார்.

English summary

Indian-American Manish Shah has been confirmed by the US Senate as a federal judge in Illinois, becoming the first South Asian federal judge in the 5th most populous state of America.