நாளை துபாயில் இந்தியன் கல்ச்சுரல் சொசைட்டி நடத்தும் “சங்கமிப்போம்” மாபெரும் சங்கம விழா!

By Siva

Updated: Thursday, February 11, 2016, 18:26 [IST]

Subscribe to Oneindia Tamil

துபாய்: அமீரகத்தில் பல்வேறு சமூகப் பணிகளில் ஈடுபட்டு வரும் இந்தியன் கல்ச்சுரல் சொசைட்டியின் சார்பாக "சங்கமிப்போம்" என்ற மாபெரும் சங்கம விழா நாளை (12.2.2016) துபாய் அல் கிஸைஸ் கிரசண்ட் பள்ளியில் இரவு 7 மணிக்கு நடைபெற இருக்கிறது.

நிகழ்ச்சியில் சமூக ஆர்வலர்கள், திறமைசாலிகள், சமூக சேவகர்களுக்கு விருது வழங்கி கௌரவிக்கப்படுகிறது. மேலும் அமீரகத்திற்கு வருகை புரிந்திருக்கும் எஸ்.டி.பி.ஐ. (SDPI) கட்சியின் தேசிய நிர்வாகிகளுக்கு வரவேற்பு அளிக்கப்படுகிறது.

அமீரக வாழ் இந்தியர்களின் ஒன்றுகூடல் மற்றும் கலாச்சார நிகழ்ச்சிகளும் இவ்விழாவில் நடைபெற இருக்கிறது.

அமீரகத்தின் பல்வேறு பகுதிகளில் இருந்தும் பல்வேறு மாநிலங்களைச் சேர்ந்த இந்திய மக்கள் சங்கமிக்கும் இவ்விழாவில் தமிழக மக்களையும் கலந்து கொள்ளுமாறு அன்போடு அழைக்கிறது இந்தியன் கல்ச்சுரல் சொசைட்டி.