அபுதாபியில் இந்திய சுதந்திர தினம் உற்சாக கொண்டாட்டம்

அபுதாபி: அபுதாபியில் உள்ள இந்திய தூதரகத்தில் இந்திய சுதந்திர தினம் சனிக்கிழமை கொண்டாடப்பட்டது.

அபுதாபி இந்திய தூதரகத்தில் இந்திய சுதந்திர தினம் சனிக்கிழமை உற்சாகமாக கொண்டாடப்பட்டது. இந்திய தூதர் டி.பி. சீத்தாராம் இந்திய தேசிய கொடியினை ஏற்றி வைத்து மரியாதை செய்தார்.

கொடியேற்றிய பிறகு அவர் இந்திய குடியரசுத் தலைவர் பிரணாப் முகர்ஜியின் சுதந்திர தின உரையினை வாசித்தார்.

அதனைத் தொடர்ந்து பள்ளி மாணவ, மாணவியரின் கண்கவர் கலைநிகழ்ச்சிகள் நடைபெற்றது. இதில் ஆயிரக்கணக்கானோர் பங்கேற்றனர். இந்திய பிரதமர் நரேந்திர மோடி ஐக்கிய அரபு அமீரகம் வருவதையொட்டி இந்திய தூதரகம் உற்சாகமாக காணப்பட்டது.

34 ஆண்டுகள் கழித்து இந்திய பிரதமர் ஒருவர் அமீரகம் வருகிறார் என்பது குறிப்பிடத்தக்கது.

English summary

Indian independence day was celebrated in UAE on saturday. Indians looked excited ahead of PM Modi's visit there.