யு.கே.: மனைவியின் கன்னத்தில் முத்தமிட்டதால் இந்தியர் டிஸ்மிஸ்
லண்டன்: இங்கிலாந்தில் மனைவியின் கன்னத்தில் முத்தமிட்டதற்காக இந்திய வம்சாவளியைச் சேர்ந்த ஒருவர் பணிநீக்கம் செய்யப்பட்டுள்ளார்.
இங்கிலாந்தில் உள்ள கிங்ஸ்வுட்டைச் சேர்ந்தவர் இந்திய வம்சாவளியைச் சேர்ந்த மார்டின் சிங்(37). அவரது மனைவி ரூபி. அவர்களுக்கு 4 குழந்தைகள் உள்ளனர். லண்டனில் கான்பரன்ஸ் மேனேஜராக இருந்த மார்டின் குடும்பத்தாருடன் அதிக நேரம் செலவிட அந்த வேலையை ராஜினாமா செய்தார்.
இதையடுத்து மார்டினும், அவரது மனைவியும் கால் சென்டர் ஒன்றில் வேலைக்கு சேர்ந்தனர். மார்டின் கஸ்டமர் சர்வீஸ் மேனேஜராக பணியாற்றினார். இந்நிலையில் அலுவலகத்தில் தனது இருக்கைக்கு வந்த ரூபியின் கன்னத்தோடு தனது கன்னத்தை வைத்து முத்தமிட்டுள்ளார் மார்டின்.
இதற்காக அவரை கண்டித்த அந்த நிறுவனம் பின்னர் அவரை பணிநீக்கம் செய்தது.
இது குறித்து மார்டின் கூறுகையில்,
என் மனைவியின் கன்னத்தில் முத்தமிட்டதால் என்னை பணிநீக்கம் செய்துள்ளனர். இதை கேட்டு என் மனைவி அதிர்ச்சி அடைந்துள்ளார். ஒன்றாக வேலை பார்த்ததில் மகிழ்ச்சியாக இருந்தோம். என் மனைவி இதற்கு முன்பு வேலைக்கு சென்றது இல்லை என்றார்.
Click it and Unblock the Notifications
Sign in with Google