அபுதாபி அய்மான் சங்கத்தில் இனிய திசைகள் இதழ் அறிமுக நிகழ்ச்சி

அபுதாபி: அபுதாபி அய்மான் சங்கத்தில் இனிய திசைகள் இதழ் அறிமுக நிகழ்ச்சி 21.11.2014 அன்று மாலை செட்டிநாடு உணவகத்தில் நடைபெற்றது.

அபுதாபி அய்மான் சங்க தலைவர் அல்ஹாஜ் அதிரை சாகுல் ஹமீது இனிய திசைகள் சமுதாய மேம்பாட்டு இதழை அறிமுகம் செய்து வெளியிட பொதுச் செயலாளர் எஸ்.ஏ.சி. ஹமீது பெற்றுக் கொண்டார்.

அய்மான் சங்க தலைவர் அல்ஹாஜ் அதிரை சாகுல் ஹமீது அவர்கள் தனது உரையில் கடந்த 12 ஆண்டுகளாக இனிய திசைகள் மாத இதழ் முனைவர் பேராசிரியர் சேமுமு அவர்களை ஆசிரியராகக் கொண்டு சமுதாய மேம்பாட்டுக்கு முக்கியப் பங்காற்றி வருவது பெருமிதம் அளிப்பதாக தெரிவித்தார். எவ்வித வணிக நோக்கும் இன்றி செயல்பட்டு வரும் இனிய திசைகள் மாத இதழுக்கு சமுதாய மக்கள் தங்களது ஆதரவினை நல்க வேண்டியது அவசியமானது என்றார்.

நிகழ்ச்சியில் பொருளாளர் ஹமீது ஜமாலுதீன், காயல் ஷேக்னா, லால்பேட்டை அப்துல் ரஹ்மான், அன்சாரி, ரிஃபாயி, மௌலவி ஷர்புதீன் மன்பயீ உள்ளிட்ட பலர் பங்கேற்றனர்.

English summary

Iniya Thisaigal magazine introduction function was held in Abu Dhabi on november 21st.