ஷூமேக்கருக்கு நடந்த விபத்து.. மேனேஜரை விசாரிக்க பிரான்ஸ் போலீஸ் முடிவு
எப்படி விபத்து நடந்தது, என்ன நடந்தது என்பது குறித்து அப்போது உடன் இருந்த சபீனிடம் விசாரணை நடத்தப்படவுள்ளது. விரைவில் இந்த விசாரணை நடக்கும் என்று தெரிகிறது.
பனிச்சறுக்கில் ஈடுபட்டிருந்தபோது ஷூமேக்கர் அதி வேகமாக வந்ததாக ஒரு தகவல் கூறுகிறது. ஆனால் அதை சபீன் மறுத்துள்ளார். இதுகுறித்து சபீன் கூறுகையில், ஷூமேக்கர் நேராக பாறை மீது மோதுவது போல வந்தார். அதைத் தவிர்க்க அவர் முயன்றபோது திடீரென தலைகுப்புற கவிழ்ந்தார். பின்னர் இன்னொரு பாறையில் அவரது தலை பட்டு மோதி விழுந்தார் என்று கூறியுள்ளார்.
பில்ட் என்ற ஜெர்மனி பத்திரிக்கை வெளியிட்டுள்ள இன்னொரு செய்தியில், பனிச்சறுக்கில் ஈடுபட்டிருந்த தனது நண்பர் ஒருவரின் மகள் கீழே சறுக்கி விழுந்ததைப் பார்த்து அவருக்கு உதவுவதற்கு முயன்றுள்ளார் ஷூமேக்கர். அப்போதுதான் அவர் விபத்துக்குள்ளானதாக கூறப்பட்டுள்ளது.
மேலும் பாறைகள் நிறைந்த பகுதியில் பனிக்கட்டிக்குள் மறைந்திருந்த பாறையை சரியாக அனுமானிக்க முடியாமல்தான், நிலை தடுமாறி விழுந்துள்ளார் ஷூமேக்கர் என்றும் கூறப்படுகிறது. மிக வேகமாக வந்ததால்தான் ஷூுமேக்கரின் தலையில் போட்டிருந்த ஹெல்மட் உடைந்து சிதறியுள்ளதாகவும் தகவல்கள் தெரிவிக்கின்றன.
Click it and Unblock the Notifications
Sign in with Google