ஈராக்கில் அமெரிக்கா தலையிட ஈரான் மதத் தலைவர் அயத்துல்லா கொமேனி கடும் எதிர்ப்பு!

தெஹ்ரான்: உள்நாட்டு யுத்தம் நடைபெற்று வரும் ஈராக்கில் அமெரிக்கா தலையிட ஈரான் மதத் தலைவர் அயத்துல்லா கொமேனி கடும் எதிர்ப்பு தெரிவித்துள்ளார்.

ஈராக்கில் ஷியா முஸ்லிம்கள் அரசுக்கு எதிரான சன்னி முஸ்லிம்களின் உள்நாட்டுப் போர் உக்கிரமடைந்துள்ளது. ஈராக்கில் உள்ள அமெரிக்க நாட்டவரைப் பாதுகாக்கவும் ஈராக்குக்கு ஆலோசனைகளை வழங்கவும் அமெரிக்கா தனது படை வீரர்களை அனுப்புவதாக கூறியுள்ளது.

ஆனால் இதற்கு அண்டை நாடான ஈரான் கடும் எதிர்ப்பு தெரிவித்துள்ளது. இது குறித்து கருத்து தெரிவித்த ஈரான் மதத் தலைவர் அயத்துல்லா கொமேனி, ஈராக் அரசாலும் ஷியா மதத் தலைவர்களாலும் கிளர்ச்சியை முடிவுக்கு கொண்டுவர முடியும். எந்த ஒரு வெளிநாட்டின் தலையீடும் அங்கு தேவையில்லை என்று கூறியுள்ளார்.

இதனிடையே ஈராக் கிளர்ச்சியாளர்களுக்கு சவூதி அரேபியாவும் கத்தாரும் உதவுவதாக ஈரான் அதிபர் ருஹானி மறைமுகமாக சாடியுள்ளார். மேலும் இப்போது உதவி செய்யும் நாடுகளையே தீவிரவாதிகள் இலக்கு வைக்க வாய்ப்பிருக்கிறது என்றும் அவர் எச்சரித்துள்ளார்.

English summary

Iran's top leader Ayatollah Ali Khamenei said Sunday he is against US intervention in neighboring Iraq, where Islamic extremists and Sunni militants opposed to Tehran have seized a number of towns and cities, the official IRNA news agency reported.