ஹர்முஸ் நீரிணையை கட்டுப்படுத்த புதிய யுக்தி! வியூகத்தை மாற்றிய ஈரான்! சுப்ரீம் லீடர் கொடுத்த மெசேஜ்!

Updated: Friday, April 10, 2026, 8:50 [IST]

Subscribe to Oneindia Tamil

தெஹ்ரான்: ஈரான்-அமெரிக்கா இடையே தற்போது தற்காலிக போர் நிறுத்தம் ஏற்பட்டிருக்கிறது. இந்நிலையில், அமெரிக்க நடத்திய தாக்குதலுக்கு நிச்சயம் பழி வாங்குவோம் என்று ஈரானின் புதிய சுப்ரீம் லீடர் மோஜ்தபா கமேனி எச்சரித்துள்ளார். குறிப்பாக, ஹர்முஸ் நீரிணை மீதான கட்டுப்பாட்டை புதிய கட்டத்திற்கு கொண்டு செல்வோம் என்றும் எச்சரித்துள்ளார்.

தற்காலிகப் போர்நிறுத்தக் காலத்திலும் பின்வாங்கப்போவதில்லை என மோஜ்தபா கமேனி அறிவித்துள்ளார். மறைந்த தலைவர் அலி கமேனி மற்றும் மோதலில் உயிரிழந்தவர்களுக்காகப் பழிவாங்கப்படும் என்றும் அவர் எச்சரித்துள்ளார்.

அமெரிக்கா மற்றும் நட்பு நாடுகளுக்கு எதிரான ஈரானின் முக்கிய வியூகமான ஹார்முஸ் நீரிணை நிர்வாகத்தில் அணுகுமுறையை தீவிரப்படுத்துவதாக மொஜ்தபா அரசு தொலைக்காட்சியில் தெரிவித்தார். "தாக்குதல்களுக்கு ஈரான் நிச்சயம் பழிவாங்கும். நாங்கள் நீரிணையின் கட்டுப்பாட்டு நிர்வாகத்தை புதிய கட்டத்திற்கு கொண்டு செல்வோம்," என்று கூறியிருக்கிறார்.

இந்த பாதையில் கப்பல் போக்குவரத்து மீதான அழுத்தம் தொடரும். அடுத்த நகர்வுக்கு முன் அண்டை நாடுகளை உன்னிப்பாகக் கண்காணிப்பதாகவும் மோஜ்தபா சுட்டிக்காட்டினார். "தெற்கு அண்டை நாடுகளிடமிருந்து உரிய எதிர்வினைக்காகக் காத்திருக்கிறோம், அப்போதுதான் எங்கள் சகோதரத்துவத்தைக் காட்ட முடியும்," என்றார்.

அதாவது சவுதி உள்ளிட்ட வளைகுடா நாடுகள் இந்த விஷயத்தில் யார் பக்கம் நிற்கிறது? என்கிற கேள்வியை மோஜ்தபா எழுப்பியிருக்கிறார். இது நல்லுறவை வெளிப்படுத்த வேண்டிய நேரம் என்றும் கூறியிருக்கிறார்.