உள்ளாடையோடு நிற்கும் பெண்கள் போட்டோவை பிரசுரிப்பதில் இன்ஸ்டாகிராம் பாரபட்சம்?

By Veera Kumar

Published: Monday, May 26, 2014, 14:42 [IST]

Subscribe to Oneindia Tamil

நியூயார்க்: குண்டுப்பெண்கள் உள்ளாடையோடு நின்றால் அதை வெளியிடாத இன்ஸ்டாகிராம் நிறுவனம், ஒல்லியான பெண்கள் அவிழ்த்துப்போட்டால் பிரமாதமாக பிரசுரிக்கிறது என்ற குற்றச்சாட்டு எழுந்துள்ளது.

கலிபோர்னியாவை சேர்ந்த விடியோ பிளாக்கர் மேகன் தோன்ஜேஸ். இவர் உடல் எடையை குறைப்பது குறித்த ஒரு கட்டுரையை எழுதி அதற்காக தனது உடலையே போட்டோ பிடித்து புகைப்பட ஷேரிங் தளமான, இன்ஸ்டாகிராமில் பதிவேற்றினார். உள்ளாடை மட்டும் அணிந்தபடி தனது உடல் சதைகளை காண்பிக்கும் வகையில் அந்த போட்டோவை பதிவேற்றம் செய்துள்ளார். ஆனால் இன்ஸ்டாகிராம் அந்த போட்டோவை தனது தளத்தில் இருந்து அகற்றிவிட்டது.

ஆபாசமாக எடுக்கப்பட்ட அல்லது நிர்வாண புகைப்படத்தை நாங்கள் பிரசுரிப்பதில்லை என்று இந்த போட்டோவை அகற்றுவதற்கு இன்ஸ்டாகிராம் காரணம் கூறியுள்ளது. இதுகுறித்த தகவல் வெளியானதும், சமூக வளைத்தளங்களில் இன்ஸ்டாகிராமுக்கு எதிராக கடுமையான விமர்சனங்கள் எழுந்தன. இதைத்தொடர்ந்து மேகன் தோன்ஜேஸிடம் மன்னிப்பு கேட்ட இன்ஸ்டாகிராம், அவரது படத்தை மீண்டும் பிரசுரித்தது.

இதுகுறித்து மேகன் தோன்ஜேஸ் கூறுகையில், இன்ஸ்டாகிராமில் ஒல்லியான பெண்கள் உள்ளாடையுடன் நிற்கும் போட்டோக்கள் தாராளமாக கிடைக்கின்றன. நான் குண்டு பெண் என்பதால் இன்ஸ்டாகிராம் இவ்வாறு பாரபட்சமாக நடந்து கொண்டுள்ளது என்றார். இதுபற்றி இன்ஸ்டாகிராம் செய்தி தொடர்பாளர் கூறுகையில், நிர்வாண படங்களை வெளியிடுவதில்லை என்பது எங்கள் நிறுவன விதிமுறை. ஆனால் அனைத்து படங்களையும் பார்த்து அகற்றுவதில் முழு வெற்றியடையவில்லை என்பதை நாங்கள் ஒப்புக்கொள்கிறோம் என்றார்.

Published On May 26, 2014