இஸ்ரேல் நாடாளுமன்ற தேர்தலில் வாக்குப் பதிவு தொடக்கம்! வெல்வாரா நெதன்யாகு?

டெல் அவிவ்: இஸ்ரேல் நாடாளுமன்ற பொதுத் தேர்தலுக்கான வாக்குப் பதிவு இன்று நடைபெற்றது. தற்போதைய பிரதமர் நெதன்யாகு மீண்டும் வெல்வது கடினம் என்றே கூறப்படுகிறது.

இஸ்ரேல் பிரதமராக மீண்டும் தாம் வெல்வதன் மூலம் அந்நாட்டில் அதிக காலம் பதவி வகித்த தலைவர் என்ற பெருமையைப் பெற நினைக்கிறார் நெதன்யாகு.

இஸ்ரேல் நாடாளுமன்ற தேர்தலில் நெதன்யாகுவின் லிகுட் கட்சி மற்றும் இடதுசாரிகளிடையே கடும் போட்டி நிலவுகிறது. இத்தேர்தலில் நெதன்யாகு மீண்டும் வெல்வது சற்று கடினம் என்றே கூறப்படுகிறது.

இன்று காலை முதல் நாடு முழுவதும் வாக்குப் பதிவு நடைபெற்றது. மொத்தம் 10 ஆயிரம் வாக்குச் சாவடி மையங்கள் அமைக்கப்பட்டிருந்தன.

ஜெருசலேமில் உள்ள பெளா பென் குரியன் பள்ளிக் கூடத்தில் இன்று காலை தமது குடும்பத்துடன் நெதன்யாகு வாக்களித்தார்.

அப்போது செய்தியாளர்களிடம் பேசிய நெதன்யாகு, நிச்சயம் இத்தேர்தலில் வெல்வோம் என்று நம்பிக்கை தெரிவித்துள்ளார்.

English summary

Israel Prime Minister Benjamin Netanyahu cast his vote Tuesday morning, arriving in the Paula Ben Gurion school in Jerusalem with his family as voting in the general election began across the country.