படு வேகமாக சுருங்கி வரும் ஜப்பான் மக்கள் தொகை... 10 லட்சம் பேர் குறைந்தனர்!
டோக்கியோ: ஜப்பானில் மக்கள் தொகை பெருமளவில் குறைந்து வருவதாக அந்நாட்டின் மக்கள் தொகை கணக்கெடுப்பில் தெரிவிக்கப்பட்டுள்ளது.
ஜப்பானில் முதன் முறையாக மக்கள் தொகை கணக்கெடுப்பு 1920 ஆம் ஆண்டு எடுக்கப்பட்டது. லேட்டஸ்டாக தற்போது ஜப்பானில் மக்கள் தொகை கணக்கெடுப்பு நடத்தப்பட்டது.
தற்போது எடுக்கப்பட்ட மக்கள் தொகையில் கடந்த 5 ஆண்டுகளில் கிட்டத்தட்ட 10 லட்சம் மக்கள் குறைந்துள்ளது தெரியவந்துள்ளது.
பிறப்பு விகிதம் வீழ்ச்சி:
மக்கள் தொகை குறைவிற்கு காரணம் ஜப்பானில் வீழ்ந்து வரும் பிறப்பு வீதமும் அந்நாட்டுக்குள் குடியேறுவோரின் எண்ணிக்கை குறைந்துள்ளதும் முக்கியமாக கூறப்படுகிறது.
வயதானவர்கள் அதிகரிப்பு:
அதேசமயம், ஜப்பானில் வயதானவர்கள் எண்ணிக்கை தொடர்ந்து அதிகரித்து வருவது மக்கள் தொகைக் கணக்கெடுப்பில் தெரிய வந்துள்ளது.
2050ல்
2050 ஆம் ஆண்டாகும்போது, ஜப்பானிய பிரஜைகளில் கிட்டத்தட்ட 40 வீதமானவர்கள் 65 வயதை தாண்டியிருப்பார்கள் அல்லது அதனைவிட வயது முதிர்ந்தவர்களாக இருப்பார்கள் என்று கூறப்படுகிறது.
கவலைகளும் அதிகரிப்பு:
இதன் காரணமாக முதியோர்களை பராமரிக்கும் தொகை பெருமளவில் அதிகரிக்கும் எனும் கவலைகளும் எழுந்துள்ளதாக அந்நாட்டின் மக்கள் தொகை கணக்கெடுப்பு ஆய்வாளர்கள் தெரிவித்துள்ளனர்.
Click it and Unblock the Notifications
Sign in with Google