ஹோட்டலுக்கு நிர்வாணமா வரலாம்... குண்டா இருக்கக் கூடாது..: இது ஜப்பான் ஸ்டைல்

டோக்கியோ: ஜப்பான் நாட்டில் விரைவில் திறக்கப்படவிருக்கும் நிர்வாண உணவகத்திற்கு சாப்பிட வரும் வாடிக்கையாளர்கள் குண்டாக இருக்கக் கூடாது என்பன உள்ளிட்ட சில விதிமுறைகளை அந்த உணவக நிர்வாகம் விதித்துள்ளது.

லண்டன், ஆஸ்திரேலியாவில் நிர்வாண உணவகங்கள் திறக்கப்பட்டுள்ள நிலையில் ஜப்பானில் முதல் நிர்வாண உணவகம் வருகிற ஜூலை 29ம் தேதியன்று திறக்கப்படவுள்ளது. இந்த உணவகத்துக்கு "தி அம்ரிதா" என்று பெயரிட்டுள்ளனர். அம்ரிதா என்றால் சமஸ்கிருத வார்த்தைக்கு அமரத்துவம் என்று பொருள்.

இந்த ஹோட்டலில் திடகாத்திரமான ஆண்கள் சிறிய வகை உள்ளாடைகள் அணிந்து உணவு பரிமாற பணி அமர்த்தப்பட்டுள்ளனர். ஆண் மாடல்களின் நடன நிகழ்ச்சியும் இங்கு அரங்கேறுமாம்.

ஆதாம் - ஏவாள்

ஆதி காலத்தில் ஆடைகள் இன்றி இருந்த ஆதாம் - ஏவாளை நினைவுபடுத்தும் வகையில் இது போன்ற ஹோட்டல்களை தற்போது திறந்து வருகின்றனர். ஜப்பான் தலைநகர் டோக்கியோவில் இதுபோன்ற நிர்வாண ஹோட்டல் திறக்கப்பட உள்ளது.

அடல்ஸ் ஒன்லி

இந்த உணவகத்துக்கு சாப்பிட வருபவர்களுக்கு சில விதிமுறைகளை அந்த உணவு நிர்வாகம் விதித்துள்ளது. அதில், 18 முதல் 61 வயது வரை உள்ள நபர்களுக்கு மட்டுமே அனுமதி வழங்கப்படும் என்று கூறப்பட்டுள்ளது.

முன்பதிவு அவசியம்

இந்த உணவகத்துக்கு உணவருந்த வருபவர்கள் முன்கூட்டியே முன்பதிவு செய்ய வேண்டும். இங்குள்ள விதிமுறைகளுக்கு உட்பட்டே அவர்கள் முன்பதிவு செய்திருக்க வேண்டும். அப்படி முன்பதிவு செய்யப்பட்ட பணம் திருப்பி அளிக்கப்பட மாட்டது என்றும் கூறப்பட்டுள்ளது.

குண்டூஸ்க்கு அனுமதி கிடையாது

உடலில் டாட்டூ போட்டிருக்க கூடாது. தனது உயரத்துக்கு ஏற்ற சராசரி எடையை கொண்டிருக்க வேண்டும். சராசரி எடையை விட 15 கிலோ கூடுதலாக எடை கொண்டுள்ள நபர்களுக்கு அனுமதி கிடையாது.

பேப்பர் உள்ளாடைகள்

இங்கு வருபவர்கள் உணவகம் வழங்கும் சிறிய பேப்பர் உள்ளாடையை அணிந்து கொள்ளலாம். செல்போன்கள், கேமிரா உள்ளிட்டவற்றை லாக்கரில் வைத்து பூட்டி விட வேண்டும். மற்றவர்களுக்கு இடையூறு விளைவிக்க கூடாது என்ற விதிமுறைகளும் விதிக்கப்பட்டுள்ளன.

கட்டணம் எவ்வளவு

இங்கு உணவருந்த முன்பதிவு கட்டணமாக தலை ஒன்றுக்கு 750 ​அமெரிக்க டாலர் என்று விலை நிர்ணயம் செய்யப்பட்டுள்ளது. மேலும், உணவு விலைகள் மெனு வகைகளை பொறுத்து 130 முதல் 261 ​அமெரிக்க டாலர்கள் வரையும் நிர்ணயம் செய்யப்பட்டுள்ளது.

English summary

Hot on the heels of naked restaurant openings in London and Australia, Tokyo has now announced its own body-baring establishment, set to open here on July 29.